Марий йылме дене икымше газет савыкталтмылан пургыж тылзын 4-ше кечынже 110 ий темеш. Тунам тудо 1915 ийыште «Война увэр» маналтын, увертара «Марий Эл» жаплышташ.
4 февральыште «Марий Эл» газет: шочмо да вияҥме корно» йыргешке ӱстел воктене мутланымаш Йылмым, литературым, историйым шанчын шымлыше Валериан Васильев лӱмеш Марий институтын кугу залыштыже эртаралтеш. Тудо 10 шагатлан тӱҥалеш.
А ончыкылан пален шогашда савык увертара: газетын шочмыжлан 110 ий темме лӱмеш мероприятий-влак республикыштына идалык мучко эрташ тӱҥалыт. Журналист-шамыч тӱрлӧ вере вашлиймашке уло кумылын лектыт да тендан дене вашлияш ямде улыт.
Ты жапыште газет тӱрлӧ лӱм дене лектын шоген: 1915 ий гыч – «Война увэр», 1917 ий гыч – «Ӱжара», 1918 ий гыч – «Йошкар кече», 1931 ий гыч – «Марий коммунист», 1932 ий гыч – «Марий коммуна», 1991 ий гыч – «Марий Эл» лӱм дене. Да нине газет-влакым посна ончаш ок лий – жап йодмо дене келшышын лӱмышт вашталт толын гынат, нуно икте-весыштым шуеныт. Ик тичмаш улыт – рӱдӧ марий газет, воза «Марий Эл» жаплышташ.
Тиде увер рушла /
Эту новость на русском языке читайте в Telegram:
https://t.me/mariuver/290
MariUver
жаплышташ — газет,
шанчын — научно
MariUver 