Куштышо «Марий Эл» кугыжаныш ансамбль 85 ияш лӱмгечыжым палемден. Тидлан пӧлеклалтше «Мыйын йӧратымашемын кундемже» пайрем концерт Яков Эшпай лӱмеш филармонийыште лийын, увертара «Марий Эл» КТРК.
Артист-шамычым да коллективын ветеранже-влакым Марий Элым вуйлатыше Юрий Зайцевын лӱмжӧ дене виктер вуйлатышын алмаштышыже — тӱвыра министр Константин Иванов саламлен.
Ансамбльын пӱрымашыже — марий калыкын илыш книгаже шотан. 1939-ше ийыште ӱдыр рвезе-влакым мурышо да куштымаш ансамбльыш икымше гана марий композитор Алексей Искандаров чумырен.
Правительствын чап грамотыжым балет артист, сценын вӱдышӧ мастарже Андрей Дмитриевлан кучыктымо. Марий Элым вуйлатышын тауштымашыжым ансамбльын балет артистше-влак Александр Будниковлан, Светлана Кудрявцевалан, Анна Софроновалан, Олеся Стариковалан увертарыме.
Пайрем концерт ансамбльын артистше-влакын да филармонийын моло коллективше-влакын выступленийышт дене умбакыже шуйнен.
Кугыжаныш куштышо ансамбльым 1939-ше ийын 23-шо июльышто МАССР Совнаркомын указше дене Марий филармонийыште хор капелле негызеш ыштыме, воза «Марий Эл» КТРК.
MariUver
Фото: gsmari.ru
MariUver 