«Лачак шочмо вереш чонеш муро шочеш»
Тыгай концерт дене иктешлаш палемден 70 ияш лӱмгечыжлан пӧлеклалтше, усталык пашажлан 50 ий темме лӱмеш мероприятийым чапланыше марий семлызе, Марий Эл сымыктышын сулло пашаеҥже, Самырык-влаклан Олык Ипай лӱмеш, Йыван Палантай лӱмеш кугыжаныш премий-влакын лауреатше, Россий композитор ушемын еҥже Сергей Маков. Тудо «Сергей Маковын музык фестивальжым» 28 сентябрь гыч 6 октябрь марте республикыштына эртара.
С. Маковын лӱмжӧ марий профессионалле музык аланыште сайын палыме. Сем тӱняште тудлан чыла тӱрлӧ жанржат лишыл. Тудо икымше марий ораторийын «Муралтем мый йывыртен», кумалтышлан возымо икымше марий кантатын «Кӱсото» авторжо.
Республикысе марий театр-влак дене пеҥгыде кылым куча, чылаже витле утла спектакльыштлан музыкым возен. Тудын возымо эстраде мурыжо-влакым моткоч шуко артист сценыште мура. Нунын кокла гыч икмыняржым лач тиде фестивальыште аклаш лиеш, воза «Марий Эл» газет.
MariUver
Фото: «Марий Эл» газет
семлызе — композитор
профессионалле — профессиональный
MariUver 