Ага тылзын 27-31 кечылаштыже Венгрийын рӱдолаштыже Студент финугырзо-влакын IFUSCO XXXIX тӱнямбал конференцийышт эрта. Тушто марий-влак дене кылдалтше доклад-влакат йоҥгаш тӱҥалыт.
Форум Ӧтвӧш Лоранд лӱмеш Будапешт университетын Финугыршанче кафедрыже пелен эрта.
Таче, 27 майыште, участник-влак толаш тӱҥалыныт да 16-18 шагатыште регистрироватлалтыт. Вара нунылан Финн-угор кафедра да кампус мучко экскурсийым эртарат. Кастеным Книгагудо клубышто — Könyvtár Klub каныме кас лиеш.
Кушкыжмын 10 шагатыште конференцийым пайремлын почмаш эрта. Кечывал деч вара секцийлаште паша тӱҥалеш.
Йылмышанче секцийыште Москосо экономике кӱшыл школ гыч Александра Кибатован «Ялыште улшо ушкал-влак нерген гына огыл, ойлаш манын…» онлайн докладше йоҥга. Тушто тудо мервотлаште олык марий йылмым кучылтмо нерген каласкала.
30-шо агаште ӱжмӧ уна Елена Ведерникован Mari traditional religion докладшым англичанла колышташ лиеш.
Конференцийын раш паша радамжым, доклад тезис-влакым форумын сайтыштыже муыда.
MariUver
финугырзо, финугыршанчызе — финно-угрист, финно-угровед
финугыршанче — финно-угроведений
мервот — соцсеть
MariUver 