Таллинныште чуваш-марий концерт эрта

Эстонийын рӱдолаштыже ага тылзын 7-ше кечынже чуваш да марий коллектив-влак шке мастарлыкыштым ончыктат. Тидын нерген концертым эртарыше-влак Facebook мервотышто увертарат.

Концерт Fort bar-ыште 20 шагатлан тӱҥалеш. Тушто Эстоний гыч чуваш постпанк фольк-группо «Тарай» выступатла.

Тыгак Таллинн марий-влак шке мастарлыкыштым ончыктат. Тиде Анна Макеев, Виталий Рыбаков, Инга Погонина да япон ӱдыр Сакико Иший.

Мероприятий 25-ше вӱдшорын лийше Чуваш йылме кечылан да эртыше Марий талешке кечылан пӧлеклалтын.

«Тарай» ансамбль шке пайремышт вашеш видеоклипым луктын:

Марий-влак ик тылзе ончыч тиде состав денак Tallinn Music Week фестиваль кышкарыште эртыше Fenno-Ugria Night касыште выступатленыт:

Фотосӱрет-влак:

Виталий Рыбаков, Инга Погонина, Анна Макеев да Сакико Иший

«Тарай» группо

MariUver