Талешке кечым йот эллаштат палемдат

Вӱдшор тылзын 26-шо кечынже Марий талешке кече лиеш. Геройна-влакым Эстоний да Финляндийыштат шрналтат.

26 вӱдшорышто «Родо-тукым негыз» парышдыме объединений — MTÜ Hõimulõimed Тартушто Талешке кечылан пӧлеклалтше «Финн-угор дискотекым» эртара. Куштымаш кас «Гениалист-влак клубышто» 20 шагатлан тӱҥалеш.

«Таллинн марий ушем» пайрем касым 27-ше апрельыште рӱдолаште «Радзiма» изи калык-влак рӱдерыште 16 шагатыште тӱҥалеш. Погынышо-влаклан Талешке кече нерген ойлат, шарнымаш сортам чӱктат. Тыгак Алексей Алексеевын «Кӱсӧ памаш» чынилыш киножым ончыктат да марий калык кочкышым ышташ туныктат.

28-ше вӱдшорышто «Марий вий тӱвыра ушем» регистрироватлыме объединений — Mari-Vij Kultuuriyhdistys Ry Финляндийыште Талешке кечым палемда. Мероприятий Хельсинки олан Вуосаари эрвел районыштыжо Тӱӱнӱлааванкуйа уремын 3-шо пӧртыштыжӧ 14 ш. тӱҥалеш.

Касыште Суомиште илыше марий-влак дене палдарат, пайрем кече нергенат ойлат. «Кӧм таче марий талешкылан шотлаш лиеш» теме денат ӱчашен налыт. Организацийын 1924-25 ийлан паша планжым ончен лектыт.

Кумылан-влакым марла кушташ туныктат да мучашлан чылан чайым подыл ойлен шинчаш тӱҥалыт.

Афиша: MTÜ Hõimulõimed

MariUver