Вӱдшор тылзын 3–7-ше кечылаштыже Эстонийыште Tallinn Music Week тӱнямбал кӱкшытан фестиваль эрта. Тудын кышкарыште Таллинн марий-влакат шке мастарлыкыштым ончыктат.
Изарнян, 4-ше апрельыште, Эстонийын рӱдолажын Теллискиви саскале изолаштыже верланыше F-hoone-н шем залыштыже 19 шагатыште «Финн-угор сылнысем кас» тӱҥалеш. Тудо вич шагат утла шуйна.
Эн ончыч марий мурызо Анна Макеев (Мишина) шкетын да вес марий-влак дене пырля мураш тӱҥалеш. Гармоньым Виталий Рыбаков, ия ковыжым Инга Погонина шоктат, тыгак нуно Анан дене пырля тӱшка мурыламат шергылтарат. Эстон кӱсле кылым япон ӱдыр Сакико Иший пералта.
Вара Тарту гыч Kännu Peal Käbi финн-угор фольк-группа выступатла.
Нуным Cätlin Mägi & EstPipes шым ӱдырамаш гыч шогышо эстон шӱвырзӧ ансамбль вашталта.
Одо да эстон AR-GOD фольк-трио сценыш лектеш.
Кумдан палыме эстон мурызо Мари Калькун акрет годсо муро-влакым у семын йоҥгалтара.
Мучашлан йот элла гыч толшо артист-влак сценыш лектыт. Эн ончыч Финляндий гыч Йоханна Юхола уста аккордеонзо шке триож дене ӧрыктараш шона.
Вара Венгрий гыч Itinera дуэт трансыш пурташ темла.
Vassvik | Silvola | Strype саам-финн-норвег трио концертым мучашла.
«Финн-угор сылнысем кас» нерген TMW фестивальын лаштыкыштыже рушла ончыза.
Билетым касыш Piletilevi сайтыште налаш лиеш.
MariUver
саскале изола — творческий городок
аккордеонзо — аккордеонист
MariUver 