Эстон ялыште марий кочкышым ыштеныт

Пургыж тылзын 10-шо кечынже Меллисте ял самырык-влак рӱдерыште подкогыльым ышташ туныктеныт.

Тыге Тарту ола деч 20 уштыш тораште улшо эстон илемыште Эстонийын тӱвыра поянлыкше ийым почыныт да Китай У ийым палемденыт.

«Тарту марий-влак ушем» парышдыме объединенийын кок чолгаеҥже, Натали Пӓртин ден Светлана Салмиянова, подкогыльым ыштыме мастар-классым эртареныт.

Пайрем уремыште тулшоу дене мучашлалтын.