Пургыж тылзын 8-ше кечынже Эстонийын виктерже тӱвыра аланыште ӱмыр мучко ыштыме пашалан премийын кум лауреатшым пеҥгыдемден. Нунын кокла гыч иктыже серызе, почеламутчо, сценарист, кусарыше да публицист Арво Валтон.
Арво Валтон (чын ешлӱмжӧ Валликиви) теле тылзын 14 кечынже 1935 ийыште амалкалышын ешыштыже шочын. 1940 ийыште тудым ешыж дене пырля Сибирьыш Новосибирск областьыш депортироватленыт. 1954 ийыште гына Эстон ССР-ыш пӧртылаш разрешенийым пуэныт.
Москошто киносценаристлан заочно тунемын. Возаш 1960-шо ийыште тӱҥалын. 1965 ийыште Эстон ССР серызе ушемыш пура.
Арво Валтон пеш шуко ойлымаш да роман-влакым возен. Тыгак тудо сылнымут критикым, почеламутым, пьесе да фильмлан сценарий-влакым серен. 1969 ийыште лекше «Пытартыш реликвий» кинолан сценарийымат тудак возен.
Арво Валтон тыгак финн-угор литературым эстон йылмыш ятыр кусарен. 1996–2006 ийлаште гына 20 кусарыме книгам савыктен луктын. Чылаже 283 авторым эстонла йоҥгалтарен, нунын кокла гыч 23-шо марий улыт, воза одо почеламутчо Муш Нади. А эше тиддеч варат лӱмлӧ серызе шуко финн-угор авторым эстонлаҥден.
Премийын кугытшо 64 тӱжем евро.
MariUver
пургыж тылзе — февраль
серызе — писатель
ешлӱм — фамилий
теле тылзе — декабрь
амалкалыше — предприниматель
почеламутчо — поэт
эстонлаҥдаш — эстон йылмыш кусараш
MariUver 