Эстонийысе Финн-угор сылнымут фонд полшымо дене самырык уста возышын Виктория Матвееван «Эше йӱла окнаште тул» — Veel põleb aknas valgus поэзий ойпогыжо кок йылме дене, марла да эстонла, савыкталт лектын.
«Кунам кидыштет шке книгатым кучет, тыгай лийын кертеш манын, ӱшанымылат ок чуч. Сайын шарнем эше возаш веле тӱҥалмем, а теве таче мут поянлыкем ик саскаш чумырген», — тыгерак шке «КонтактЫште» мервотысо лаштыкыштыже воза автор, увертара Валентина Семенова «Тылат кидем» тӱшкаште.
Сборник Эстонийыште савыкталтын, почеламут-влакым эстон йылмыш Арво Валтон кусарен.
Книган презентацийже пургыж тылзын 18-ше кечынже Валентин Колумб лӱмеш республикысе йоча да самырык-влаклан книгагудышто 10:00 ш. тӱҥалеш. Культура.РФ Live лаштык вияш трансляцийым темла.
MariUver
Фото: Виктория Матвеева, сÿретче Елена Небеснова
мервот — соцсеть
MariUver 
Уведомление: Её стихи звучат на мари и эстонском языках | MariUver