Марий Эл Russian Travel Awards III пӱтыньрушэлысе премийын «Этнокультурло туризм кундем» номинацийыштыже финалыш логалын, увертара республикын спорт да туризм министерствыже.
Марий Эл деч посна тиде шӧрыныштӧ эше Башкортостан, Саха (Якутий), Чуваший да Байкалшеҥгел кундем ойыртемалтыныт.
Официалле номинацийлаште финалыш лекше-влакым 2023 ийыште эртарыме турист конкурс ден рейтинглаште ойыртемалтме, туризм да уна-влакым вашлийме аланыште профессионал объединений-влакын темлымышт почеш палемденыт.
Премийын финалже пургыж тылзын 19–21 кечылаштыже Санкт-Петербургышто эрташ тӱҥалеш, воза «Марий Эл» газет.
MariUver
Фото: Марий Эл Республикын спорт да туризм министерствыже
пӱтыньрушэлысе — всероссийский
этнокультурло — этнокультурный
Байкалшеҥгел кундем — Забайкальский край
MariUver 