Тарту Европын культур рӱдышкыжӧ савырнен

Кодшо кугарнян, 26-шо чатламаште, Эстонийын студент олаштыже Тарту Европын 2024-ше ийысе тӱвыра рӱдола лиймыжым пайремлын палемдышт.

«Шокшемдымаш» мероприятий олан рӱдӧ Ратуша кумдыкыштыжо 13 шагатлан тӱҥалын. Сценыш Múdd, Merimell, Yasmyn, Rozell, латыш диджей Магнус Эриньш, Элерин Тийт и Инга Тислар, тыгак Керстен Кырге и Роберт Кӓхр лектыныт.

19 ш. Эмайыги эҥерын кок серыштыже да Вабадузе бульварыште Тарту-2024-ым «Чылажат пырля икте!» (Kõik on kokku üks) почмаш церемоний тӱҥале. Trad.Attack! да Lonitseera группо, Сандер Мӧлдер мурызо, тыгак моло кумдан палыме эстон артист, актёр да куштызо-влак шке мастарлыкыштым ончыктеныт.

Вара кумылан-влак олан рӱдыж гыч колонно дене мурен, куштен сем почеш Эстон калык тоштер деке пайрем мучаш «афтепатиш» каеныт. Тушто билет дене музей кӧргыштӧ, билет деч посна калык тӱжвалне эр марте гӱжлен, воза ERR.ee рушла.

Тӱвыра рӱдолам почмашым тыште ончаш лиеш >>

Тарту-2024 тӱвыра рӱдолан лаштыкше >>

Почмаш гыч фото-влак: