Родо-тукым элнан Eesti Laul 2024 муро таҥасымаште мучаш тапырыш вик логалше вич еҥ палыме лийын, воза ERR. Чылаже финалыште лу муро лиеш.
Жюрин пунчалмыже почеш вич артист да ансамбль вик «Эстон муро 2024» конкурс финалыш логалыт, 15 еҥ — вик пелфиналыш. Чылаже 215 таҥасымашыш пурен.
Таҥасымашыште икымше гана ончыктымо муро-влакым 41 еҥ гыч шогышо жюри аклен. Тушто семлызе ден артист, радио да телевидений дене кылдалтше профессионал, продюсер, туныктышо да тыглай музыкым йӧратыше еҥ-влак лийыныт.
«Эстон муро 2023» конкурсын вик финалыш логалше-влак алфавит радам почеш:
Brother Apollo анасамбль Bad Boy муро дене;
Карлос Укареда мурызо — Never Growing Up;
Даниэль Леви — Over the Moon;
Неле-Лийз Вайксоо — Käte ümber jää («Кид йыр ий»);
Уудо Сепп, Сара Мюррей — Still Love.
Чылаже финалыште 10 муро ӱчашаш тӱҥалеш.
«Эстон муро 2023» конкурсын пелфиналже Тартушто 20 январьыште, финалже – Таллинныште 17 февральыште эрта.
Eesti Laul 2024 таҥасымаш муро-влакым икымше гана 8-ше декабрьыште колышташ лиеш, увертара ERR.
MariUver
Фото: ERR
Финалзе — финалист
MariUver 