Порын шарналт кодеш
Марий журналистикын ончычсо пашаеҥже Василий Михайлович Семеновын ӱмыржӧ лугыч лийын, воза «Марий Эл» газет.
Тӱшка увер пашам тудо 1987 ийыште Шернур районысо «Призыв» газет гыч тӱҥалын. МАРКУ-м тунем пытарымыж деч вара ВГТРК Марий радиошто корреспондентлан, сылнымутлын-драмыле передачын редакторжылан, «Кугарня» газетыште йырынончызылан да вуйыншогышо секретарьлан, «Марий Эл» газетыште ончыч права йодыш дене редакторлан, вара вуйыншогышо секретарьын алмаштышыжлан ыштен.
Кеч-куштат шкенжым шотан журналист семын ончыктен. Тылеч варат возымо паша деч кугунжак торлен огыл. Ойлымаш да повесть книгамат савыктен луктын.
Сандене Василий Михайлович марий лудшын чонешыже журналист да возышо семынак шарналт кодеш.
Кийыме верет пушкыдо лийже, Василий Михайлович, манына ме тудлан.
«Марий Эл» газетын пашаче ешыже
Налмывер: «Марий Эл» газет, 2023 ий 8-ше август
MariUver 