Таче кечын, манаш лиеш, йӧршын йомшо водь калыкын йӱлаж да тудым шымлаш кӱлмӧ нерген ERR-ын Novaator порталжылан интервьюшто фольклорзо, «Фенно-Угриан» вуйвержым вуйлатыше, Тарту кӱшылшколын доцентше Мадис Арукаськ (Madis Arukask) ойла. Тидын нерген парышдыме объединений «Фенно-Угриа тӧнеж» сера.
Пытартыш еҥшотлымаш почеш Рушэлыште шкенжым водь семын 90 еҥ ончыктен. «Кеч чотышт кушкын гынат, пырляже нуно пеш шагал улыт. Тиде жапынак водь йылме дене шочмо йылме семын кутырышыжо кодынат огыл манаш лиеш», — ойла Арукаськ.
Пытартыш водь яллаштат – Лужицы (Luuditsa), Краколье (Jõgõperä) – водь йылмым ынде от кол. Арукаськын шонымыж почеш эше 20 курымышто шочмо йылмыж дене ойлышо калыкын йӱлаже пеш поян.
Фольклорзо водь-влакын ончыч погымо тоштойышт негызеш радамлыме иктешлымашым ыштынеже. «Эн ончыч нуно 19-ше да 20-шо курымышто погалтыныт, южыжо эше ончычракат. Мутлан, Федор Туманскийын корнышто возымашыже-влак, кушеч кӱлешанрак ужашыже эстон йылмышкат кусарыме. Тушто чынжымак пеш поян этнографий материал», — ешара Арукаськ.
Арукаськ дене тӱрыс интервьюм Novaator порталыште эстонла лудса.
MariUver
MariUver 