Пургыж тылзын 6-шо кечынже лекше «Поро эр, Марий Эл» передаче кол лӱм да кол кучымаш дене, тыгак мӱкшым ончымаш, сонар паша дене кылдалтше мут-влаклан пӧлеклалтын.
Шукерте огыл Марий Элыште Россий наукын кечыжлан пӧлеклалтше мероприятий-влак эртеныт. Тудо 8-ше февральыште палемдалтеш. Республикыште гуманитарле шанче да шымлыме пашан кугурак ужашыже Валериан Васильев лӱмеш Йылмым, литературым да историйым шымлыше институтлан логалеш.
Эльвира Пекшеева тиде шанче тӧнежыштӧ 2002-шо ий гыч тырша. Эльвира Ивановна кол лӱм да кол кучымаш дене, тыгак мӱкшым ончымаш, сонар паша дене кылдалтше мутвундым шымлен. Кызытсе темыже — уа воштыр гыч тӱрлӧ ӱзгарым ыштымаште кучылталтше шомак-влак, воза Марий Эл КТРК.
MariUver
MariUver 