Валерий Патрушевлан 80 ий темеш

Йошкар-Ола Историй да археологий тоштерыште кокымшо августышто «Пӱрымашыш савырныше шонымаш» ончер почылтеш. Тудо марий да финн-угор археолог Валерий Патрушевын 80 ияш лӱмгечыжлан пӧлеклалтеш.

Лӱмлӧ археолог шуко кундемыш ятыр экспедицийым эртарен: Марий Элыште, Татарстаныште, Вологда, Кострома, Ярослав, Угарман, Пермь кундем- влак, Финляндий, Эстоний, Израиль, Абхазий велыште шымлыме пашам ыштен. Тичмаш налмаште Валерий Степанович экспедицийлаште илышыжын 60 ийжым эртарен.

Ончерыште документ ден фотосӱрет, археологий ӱзгар, лӱмгече озан тӱҥ шанче пашаже- влак вераҥдалтыт. Выставке 15 шагатлан почылтеш, воза Марий Эл КТРК.

Валерий Степанович Патрушев 1942 ийыште сорла тылзын 1-ше кечынже Марий Эл Шернур район Шӱкшер ялеш шочын.

MariUver