Талешке кечын
Вӱдшор тылзын 26-шо кечынже Таллинныште Лаура Кыйвын «Полярисын куржмыжо II» (Polaris Escape II) графикан новеллын презентацийжым эртараш шонат. Мероприятий Марий талешке кечылан пӧлеклалтеш.
Эстон сӱретче Лаура Кыйвын (Laura Kõiv) Polaris Escape комиксше кок ужаш гыч шога. Икымше ужашыже англичан, руш, эстон да хантла 2019 ийыште лектын. Автор хант-влак деке 2012, 2013, 2018 ийлаште коштын. Хант йоча лагерьлаште лийын, фотосӱрет-влакым ыштен, комикс-влакым сӱретлаш туныктен.
Кокымшо ужашыже марий, руш, эстон да англичанла 2021 ийыште тӱням ужын. Марлаш Татьяна Алыбина кусарен, рушлаш — Васли Николаев. Книга-влакым савыктен лукташ оксам Эстон родо-тукым программе ойырен. Проектым «Таллинн марий ушем» гоч Анна Макеев (Мишинан) инициативыжлан кӧра пуымо.
Савыктыш дене палдарымаш Марий талешке кечылан пӧлеклалтеш. Тудым автор Таллинн университетын Балтийысе кино да медиа институтын (BFM) кинозалыштыже 18 ш. эртара.
MariUver
MariUver 
Уведомление: Талешке кечым Латвийыштат палемденыт | MariUver