Пургыж тылзын 28-ше кечынже родо-тукым Суомиште элын калыкле пайремже — Калевалан, финн да карел тӱвыран кечыже. Ты кече «Калевала» эпосым жаплен эртаралтеш. Эл мучко кугыжаныш тистым сакалат.
Хельсинки университетын Саво-карел финн организацийже ты кечым 1860 ий гычак пайремлаш тӱҥалын. Калыкле эпосын 50- да 70-ияш лӱмгечыжым палемденыт. Кугыжаныш тистым икымше гана 1920 ийыште нӧлталыныт. 1978 ий гыч тудо официалле статусым налын.
Молан лач 28 февраль?
Калевалан кечыжым 28 пургыжышто палемдат. Вет лач ты кечын Элиас Лӧннрот 1935 ийыште эпосын икымше версийжым возен пытарен. Да произведений ту ийыштак савыкталт лектын.
1849 ийыште Лӧннрот эпосын у версийжым савыктен, тудо «У Калевала» маналтеш. Лач ты вариант негызеш моло йылмыш тудым кусарыме.
Мо нерген «Калевала»?
«Калевала» — финн калыкле эпос, кудыжо финн, ингерманланд да карел поэме-влак негызеш сералтын. Тудо 50 руно да 22 тӱжем утла корно гыч шога.
Персонаж-влак: Ильматар, Вяйнямӧйнен, Ильмаринен, Йоукахайнен, Лемминкяйнен, Лоухи а молат. Произведений Ильмариненын пиалым да поянлыкым пуышо Сампо вакш верч кучедалмашым ончыкта.
Эпосым марлаш Геннадий Матюковский, Семен Николаев, Василий Регеж-Горохов кусареныт.
MariUver
Фотосӱрет-влакым википедий гыч налме
MariUver 