Тӱп калык-влак нерген ойлат

H6imuklubi_Sven-Erik_Soosaar

«Фенно-Угриа тӧнеж» парышдыме объединенийын Родо-тукым клубшын черетан вашлиймашыже пургыж тылзын 16-шо кечынже эрта. Тудо Тӱп калык-влакын йылмыштын тӱнямбал луийыштлан 2022-2032 пӧлеклалтын.

Ты гана погынымашын темыже «Тӱп йылме-влакын луийышт да финн-угор калык-влак» маналтеш. Тудо Ушнышо Наций-влакын Организацийыштын (УНО) Тӱп калык-влакын йылмыштын тӱнямбал декадыштлан да 21-ше февральыште палемдыме Шочмо йылмын тӱнямбал кечыжлан пӧлеклалтын.

Клубын заседанийыштыже йылмышанчызе, Эстон йылме институтын кугырак шанче пашаеҥже да УНО пелен улшо Тӱп калык-влакын эре улшо форумыштын экспертше Свен-Эрик Соосар кузе тӱрлӧ эл ты декадылан ямдылалтын да финн-угор йылме-влак нерген тӱнямбал контекстыште ойлаш тӱҥалеш.

Латыш университет пелен улшо Лив институтым вуйлатышыже Вальт Эрнштрейт мом лив-влак ышташ шонат, палдара.

Финн-угор калык-влакын каҥашым пуышо комитетшым вуйлатыше Дмитрий Харакка-Зайцев кузерак декадым ижор да водь калык-влак палемдаш шонат, каласкален пуа.

Клубым «Фенно-Угриан» каҥашъеҥже Йаак Прозэс вӱдаш тӱҥалеш.

Касын вияш трансляцийжым ERR-ын Novaator шанче порталже гоч ончаш лиеш. Тудо 16-шо февральыште, вӱргечын, эстон жап почеш 17 (моско жап почеш 18) шагатлан тӱҥалеш.

MariUver

Фото: Фенно-Угриа

Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s