Кылме тылзын 19 кечынже Любовь Уртюкова тиде тӱня дене чеверласен. Тудо 30 ий утла Венгрийыште илен, тушто венгр-марий тӱшкам вуйлатен.
Любовь Аркадьевна Уртюкова Марий Эл Кужэҥер район Эҥыжсола ялеш 12 мартыште 1960 ийыште шочын.
Любовь Уртюкова коронавирус дене черле лийын, кум тылзе тиде осал азап дене кучедалын, но шучко чер сеҥен.
Марий Эл КТРК-ан 03.08.2021 ийысе «Кечывал радиоканалыштыже» Любовь Аркадьевна уна лийын. Передачым Вячеслав Кольцов ден Полина Савельева вӱденыт. Ончыза, колыштса:
Финляндийыште илыше марий шанчыеҥ Лидиа Тойдыбекова-Мустонен да мемнан MariUver сайтна Любовь Уртюкован родо-тукым, лишыл еҥже да йолташышт-влаклан кугу чаманымашым ойлена.
MariUver
MariUver 