Кылме тылзын 29-ше кечынже «Салика» спектакль 900-шӧ гана М.Шкетан лӱмеш Марий кугыжаныш драме театрын сценышкыже лектеш. Тудым онлайн йӧн денат ужаш лиеш. Тыге театр шке шочмо кечыжым палемда.
1938 ийыште икымше гана модмо деч вара Саликан образшым 18 актрисе чоҥен. Театрын шочмо кечынже тудын дене уэш вашлияш, марий сӱан йӱлам эше ик гана ончаш йӧн лиеш.
Йошкар-Ола деч тораште, Российысе вес олалаште, вес элыште илыше кажне еҥ тиде пайрем кастене мемнан деке онлайн ушнен кертеш. Билетым налын, сценыште лачшымак 29 ноябрьыште 900-шӧ гана модмо спектакльым ужыда.
Спектакль 16 шагатлан Моско жап почеш тӱҥалеш, Эстонийыште 15 шагат лиеш. Вияш трансляцийым, билетым налмеке, театрын YouTube-ыштыжо ончаш лиеш. Билетым тыште налаш лиеш, вияш трансляций 100 теҥ. шога.
Театрын кӱчык рекламыже:
МЭТР ТВ-ын видеосюжетше:
«Салика» спектакль гыч фотосӱрет-влак:
MariUver
Фото да видео: М.Шкетан театр
MariUver 