Сорла тылзын нылымше кечынже Марий Эл Оршанке кундем Кӧрдӧ ял воктенысе каныме базыште, самырык автор-влаклан «Кеҥеж сылнымутчо-2020» усталык семинар почылтын. 06.08.2020 ий «Поро эр, Марий Эл» радиопередаче лач тидын нерген каласкала.
Марий Элын Оршанке районжо — марий сылнымутын классикше, драматургийлан негызым пыштыше, журналче , мер пашаеҥ Яков Павлович Майоров-Шкетанын, артист, серызе , МАССР сымыктышын сулло пашаеҥже Арсий Афанасьевич Волковын, артист, семызе Евгений Афанасьевич Волковын (А.А.Волковын шочмо шольыжо) да молынат шочмо мландышт.
Репортажым Марий Эл КТРК-ан корреспондентше Алевтина Кузнецова ямдылен.
Семинар гыч фотосӱрет-влак:
Марий Эл КТРК-ан материалже негызеш
MariUver
Фото: «Кугарня» газет КонтактЫште да молын
MariUver 