Да тыгак моло финн-угор-влак денат
Эстон калык музей шкенжын эре улшо «Урал йӱксавыш» ончерже негызеш родо-тукым калык-влак дене палдарыше воттурлам темла. Видео-влакым YouTube хостингышто ончаш лиеш.
13 март гыч Эстон калык тоштер (ЭКТ) коронавируслан кӧра петыралтын. Но туге гынат музей пашаеҥ-влак яра огыт шинче. Нуно шкеныштын поянлыкышт дене калыкым тора гыч виртуаллын палдарат. Тыге нуно финн-угор калык-влак нерген циклым шонен луктыныт. Материал эстонла темлалтеш.
Икымше видео Юл кундемысе калык-влак дене палдара. Тоштерын гидше Анна Венчакова, шке мокша улеш, ончыч кӱчыкын марий-влак, вара кужунрак эрзя ден мокша-влак нерген каласкала.
Кокымшо ужаш карел да вепс-влак нерген каласкала. Кумшо ужашыште саам ден хант-влак нерген ойлалтеш. Нылымше Пермь калык-влаклан пӧлеклалтын. Тушто музей пашаеҥ одо Наталья Пыллу шке калыкше да коми-влак дене палдара.
Видео-влакым ЭКТ-ын YouTube-ыштыже ончаш лиеш.
Видео гыч скриншот-влак:
MariUver
