Кузе Финн сар тӱҥалын

Але Майнилам лӱйкалымылан 80 ий

Shelling-of-Mainila

Кылме тылзын 26-шо кечынже 1939 ийыште финн чек воктен улшо Совет ушемыш пурышо Майнила ялым артиллерий гыч лӱйкаленыт. СССР тидым «Финляндийын провокацийже» манын. Чынжым гын тиде ялым НКВД-ын лӱмын ыштыме отрядше лӱйкален.

28.11.1939 ий «Марий коммуна» газет тыгерак возен: «Финляндский военщинын наглый провокацийже. Ленинград, 26 ноябрь (ТАСС). Ленинградский округ штабын увертарымыже почеш, 26 ноябрьыште 15 часат 45 минутышто Майнила деч ик километрлан северо-западышкыла расположитлалтше мемнан войска ӱмбаке финляндский территорий гыч артиллерий дене кенета лӱйкаленыт. Фин-шамыч чылаже орудий дене 7 гана лӱеныт. 3 красноармеец да 1 младший командир колен, 7 красноармеец, ик младший командир да ик младший лейтенант сусырген. Верыште расследоватлашлан округ штаб Первый отделын начальникшым полковник Тихомировым колтымо. Провокаций фин шамычын артиалетыштым ыштыме районышто расположитлалтше частьлаште пеш кугу возмущенийым луктын».

Mainila_na_karte

Тидын шумлык совет виктер финн правительствылан келшыдымаш нотым кучыктен. Да финн войскам пысман деч 20-25 уштыш тораш мӧҥгештараш темлен. Финляндий шке вашмутан нотыштыжо ялым совет ушем могырым лӱйкаленыт ман серен. Суоми нигузе саде ялым лӱйкален кертын огыл — чек воктен финн-влакын нимогай артиллерийышт уке, поснак тораш лӱйкалыше пушкышт, возымо кагазыште.

Кызыт, касвел историк-влакын шонымышт почеш, тунам саде ялым НКВД-ын лӱмын ыштыме отрядше лӱйкален ман шотлат. Совет ушемлан Финляндий ваштареш сарым тӱҥалаш амал кӱлын да тыге ыштеныт.

Тиде инцидент деч кок кече вара Совет ушем Финляндийыш керылт пурыдымаш нерген пакт деч отказлен. Да ныл кече гыч пошкудо эл ваштареш войнам тарватен.

MariUver

«Марий коммуна» газет гыч текстым Арто Мойсио пуэн

2 комментария

Filed under Артикль-влак, Увер-влак

2 responses to “Кузе Финн сар тӱҥалын

  1. It is better to be a warrior in a garden than a gardener in a war —
    Saryse pak¢aze olmeš, sajrak pak¢ašte iliše sarze liäš.
    (эрвел калыкмут)
    Эре лиеш колаш тыгай шоякым: пуйто мари кредалаш йората: «XVI курымсе Черемис», II Тӱнямбал да моло сар годым.
    Ужын кертыда, чыла саршамыч калык ваштареш ышталтыныт. Kалык тидым умылен, садлан «Кугу сорта» философий кумда шарлен. Кумалтыш годым мари-влак чыла сар ӱзгарым тоеныт. Тӱҥ идейышт: таза калык лияш, шке семын илаш. Тугеже, тунам калык «тӱвырам» шке илыш семын ойырен, манаш лиеш- cар дечын кораҥын каен.

  2. Уведомление: Кузе Финн сар тӱҥалын : Эрыкан Идель-Урал

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s