Уш-акыл ӱчашен таҥасымаш участник-влакым вуча

Республикысе марий тӱвыра рӱдер 10 декабрьыште «Мунло» уш-акыл марафоным эртара. Тудо Марий тиште кечылан пӧлеклалтеш.

Марофоныш кажне марий еҥ ушнен кертеш. Тидлан куд еҥан командым погыман.

Йодмашым 5 декабрь марте Марий тӱвыра рӱдерын mari-centr@mail.ru электрон почтыш колтыман.

Лекше йодышым (+7-8362) 458 851 телефон дене рашемдаш лиеш.

Мероприятий Царьградский проспектын 35-ше пӧртыштыжӧ верланыше Курчак театрыште эрта.

Марий тӱвыра рӱдерын увертарымыж негызеш
MariUver