Таллинныште Эстон-марий мутер дене палдареныт

DSCN7213Эстонийысе «Фенно-Угрийын» пытартыш Родо-тукым клуб вашлиймашыштыже электрон Эстонла-марла мутер дене палдареныт.

Мероприятий Эстон йылме институтын (ЭЙИ) кугу залыштыже эртен. Касым «Фенно-Угрийын» каҥашеҥже Йаак Прозэс вӱден. Тудо ончыч эстон-марий вашкыл историй нерген кӱчыкын каласен.

Тӱҥалтышыште мутым институтын директоржо Тыну Тендерлан пуэныт. Тудо ыштыме пашан кӱлешлыкшым палемден да мутерым ыштыше-влакым тауштен.

Вара мутер пашам виктарен шогышо, марий йылмым палыше эстон, институтын пашаеҥже Свен-Эрик Соосаар ойлен. Тудак редактор сомылымат шуктен. Шымлызе институтын серверыштыже улшо электрон мутер дене палдарен. Мутерым ышташ полшышо-влаклан тау мутым ойлен да кӧ нунын кокла гыч залыште лийын гын, институт лӱм дене пеледыш аршашым кучыктен.

Мутерым ыштыме паша 2011 ийыштак тӱҥалын. Тӱҥалтышыште Тарту университетыште тунемше ятыр марий тудым ышташ полшен: Марина Акельдина, Светлана Акельдина, Татьяна Албахтина, Светлана Салмиянова, Васли Николаев да Сергей Никифоров. Но пытартыш ийлаште кугырак пашажым Татьяна Алыбина, Валентина Семенова да Елена Ласточкина шуктеныт, да, мутат уке, С.-Э.Соосаар шкеже.

Т.Алыбина, В.Николаев Тарту гыч презентацийыш лӱмынак толыныт. А Елена Ласточкина мӱндыр Марий Эл гыч мутер дене палдарымашыш толын шуын ыле.

Мутерыш 10 000 наре тӱҥ мут пурен. Мутер дене марий йылме ден тӱвырам шымлыше эстон да тыгак эстон йылмым тунемше марий-влак пайдаланен кертыт. Мутерыште пример шотеш пуымо муткылдыш-влак йылмым тунемше ден кусарыше-влаклан полыш семын лийын кертыт.

Мутерын негызшылан Эстон йылме институтышто ямдылыме электрон эстон-Х мутернегызым налме. Тудым кокйылман мутер-влакым ыштымаште кучылталтыт. Эстон-Х мутерын негызыштыже эстон ужашыже ямде. Эстон-марий мутерым ыштыше-влак марий йылме шотышто данныйым ешарен шогеныт, тыгодым редактор эстон мут-влакын нергелык шот дене ойыркалымашым кӱлеш годым вашталтен каен.

Ойлышо-влак коклаште пайремым марий калык мурым мурышо Анна Мишина ден эстон кӱслезе Кристи Мӱхлинг сӧрастареныт.

Мучашлан Тарту университетын докторантурыштыжо тунемше Эрик Юзыкайн «Russian Today» телеканалын мероприятийыш толшо-влаклан «Europe’s last pagans» марий-влак нерген кӱчык фильмжым темлен.

Мутерым ыштен шуктымо нерген Эстон ТВ-ын видеосюжетше >>

Эстонла-марла мутер >>

Мероприятий гыч фотосӱрет-влак:

Видео:

MariUver

Оставьте комментарий

Filed under Увер-влак, Uncategorized

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s