Эстон кнагагудышто марий-влак дене палдарат

Zhanna

Жанна Тохт

Эстонийын Йыгева уездшын Тӱҥ кнагагудыштыжо эрла библиотекарь-влаклан финн-угор калык-влак нерген ойлат. Тыгак тушто марий-влак дене палымым ыштат.

Йыгева уездын кнагагудызо-влакшым «Родо-тукым йылме, сылнымут да тӱвыра» семинарыш ынде кумшо гана погат. Ты гана «Фенно-Угрийын» каҥашеҥже Йаак Прозес ончыч Эстонийыште илыше финн-угор-влак нерген ойлен пуа.

Вара марий йӱла да культур нерген Йыгеваште илыше марий сӱретче Жанна Тохт лекцийым лудеш. «Тарту марий-влак ушемын» «Марий кумыл» ансамбльже марла мура.

Семинар жапыште кум выставкым ужаш лиеш. Кылме тылзын 2-шо числаж гыч 26-шо марте кнагагудышто Ж.Тохтын сӱрет ончержым почмо. Семинар кечын «Тарту марий-влак ушемын» «Марий-влак. Еш альбом» фото-ончержым шаралтат. Тудым Валентина Семенова чумырен. Тыгак фойеште финн-угор книга-влак выставке лиеш.

Тыге финн-угор кече-влак Эстонийыште алят шуйнат.

MariUver

3 комментария

Filed under Увер-влак

3 responses to “Эстон кнагагудышто марий-влак дене палдарат

  1. Пуры ирок.

    Пиш яжо!

  2. Уна

    сай паша!

  3. ЛомЭр

    Мариувер, марла текстым марий мут-влакым гына кучылтын возен тыршымыдалан тау! Лудашат куштылго, «пылышым ок кер» манаш лиеш).
    Республикысе журналист шамыч тендан семын марий мутым гына кучылташ ала-молан огыт тошт. Ала калык ок умыло манын лӱдыт?..
    Тендан тыге возымо койышда мыланем утларак келша)

Добавить комментарий для ЛомЭр Отменить ответ

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s