26 апрель 15.00 – 18.00 шагат
Йошкар-Ола, Рӱдӧ тӱвыра да каныме парк
«Шарнымаш пушеҥге» воктене
«Марий ушем» («Союз мари»») РОО «Марий талешке кечыш» чыландамат пагален ӱжеш. Тенийысе программе Сеҥымашын 70-ше идалыкшылан пӧлеклалтеш.
– Сареш вуйым пыштыше, кугу сар корным эртыше салтак-влак, тылыште тыршыше-влак лӱмеш ятыр-ятыр сорта.
– Марий онаеҥын пелештымыже.
– Сар корно, салтак илыш, шочмо кундемым куатлын аралыме да йӧратыме нерген муро, почеламут да ой-влак.
– Кумдан палыме мурызо, поэт, композиор-влакын шомакышт.
– Йошкар-Оласе школла гыч йоча-влакын выступленийышт.
– Районла гыч толшо-влакын ойышт.
– Йӱкна шоктыжо манын, йӧнан микрофон да колонко.
– Парк гоч эртен кайыше кажне кумылан еҥ «Шарнымаш пушеҥге» йырыште сортам шында.
«Марий ушемын» еҥже-влак тиде кечын тыгак Мамич-Бердейым шарныме верыш, Оршанке районысо мероприятийышке кудалыт, тыгак Йошкар-Оласе ятыр шарныктыш воктен сортам чӱктат.
Тиде мероприятийым Рӱдӧ тӱвыра да каныме паркын дирекцийже, «Йошкар-Ола» ГО-н тӱвыра пӧлкаже сай кумылын вашлийыныт.
Шӱдӧ наре еҥ толшаш.
Эше ик гана пагален ӱжына.
«Марий ушем» («Союз мари»),
регионысо мер организаций вуйвер
Снимкыште: Икмыняр ий ончыч эртыше «Марий Талешке кечын» шарнымаш сортам чӱктымӧ годым.
Налмывер: Марий ушем
MariUver 