Марий университетыште «Марий йылме» шанче-шинчымаш да йылме технологий рӱдер пашам ышташ тӱҥалын.
Тудым 1 апрельыште почыныт. Рӱдерым вуйлаташ йылмышанче кандидат Елена Андриановалан ӱшаныме. Ты пашашке кӱкшӧ шинчымашан шанчызе-влак ушненыт.
Рӱдер школысо, колледжысе, университетысе туныктышо-влаклан методике полышым пуаш, марий википедийым улаҥдаш, марий йылме корпусымат ышташ тӱҥалеш.
«Марий йылмым аралыме да вияҥдыме шотышто шуко паша ышталтеш: марий шӱлышан мероприятий-влак эртат, у технологий шыҥдаралтеш, Интернетыште посна еҥ-влак марий лышташым, блогым, сайт-влакым вӱдат. Но таче йылмым арален кодаш, шанче могырымат кугу тыршымаш, вий кӱлеш», — воза шке сайтыштыже Николай Любимов.
У тӧнеж МарКУ-н у полатыштыже верланен.
«Кидшер» интернет-журналын материалже негызеш
MariUver
MariUver 