Эстоний эрыкан лийме кечыжым палемда

Наградым пуымо годым. Фото: president.ee

Наградым пуымо годым. Фото: president.ee

Пургыж тылзын 24-ше кечынже Эстон Республик эрыклык кечыжым палемда. Эл мучко тӱрлӧ мероприятий-влак эратат.

Таче Раквере театрыште Эстонийын президентше Томас Хендрик Ильвес 99 еҥлан кугыжаныш суаптарым кучыктен. Наградым налше-влак коклаште тыгак финн-угор чолгаеҥ, вепс, Зинаида Строгальщиковат улеш.

Тений тӱҥ мероприятий-влак Эстонийын йӱдвел-эрвел ужашыштыже эртат. Тушто шукыракшым руш-влак илат. Эрла, пайрем кечын, Нарва олан Пӧтыр чараштыже 12 шагатлан Сарзе парад тӱҥалеш. Парадым Т.Х.Ильвес вашлиеш да Элым аралыше вийым вуйлатыше генерал-лейтенант Рихо Террас вуйлата. Тений парадыште, верысе-влак деч посна, АУШ, Испаний, Латвий да Литва гыч сарзе-влак, тыгак Голландий 43-шо механизироватлыме бригаде лийыт.

Сарзе парад ӱмаште. Фото: err.ee

Сарзе парад ӱмаште. Фото: err.ee

17:30 ш. Йыхви олан концерт залыштыже Пайрем концерт лиеш. Т.Х.Ильвес ойлаш тӱҥалеш. Вара президент пелашыж дене уна-влакым вашлийыт, чылаже 800 наре еҥым ӱжмӧ.

1918 ийын, пургыж тылзе мучаште, Эстляндийын земстве каҥашыже пелен улшо Эстонийым утарыше комитет Эстонийын эрыклыкше нерген декларацийым ямдылен. Икымше гана тудым Пярну олан Эндла театрыштыже, 23 февральыште, кастеным, йӱкын калыклан лудмо, эрлашыжым манифест Таллинныште савыкталт лектын.

1918-20 ийлаште эстон-влаклан шке эрыкышт верч Йошкар армий да немыч-влак ваштареш кредалашышт логалын.

1940 ийыште Эстонийым Совет Ушем оккупироватлен. 1991 ийыште Эстоний шке эрыклыкшым мӧҥгешла пӧртылтен.

MariUver

3 комментария

Filed under Увер-влак

3 responses to “Эстоний эрыкан лийме кечыжым палемда

  1. Пиш яжо!

    Эстон шытыр халыкым Айожы доно кымылангдем! Дӓ, пӹтӓрижок, эстони тӓнгвлӓм. Ӹлӹжӹ Ээсти! Elagu Eesti!

  2. Никитин С.П.

    Мариувер воза: — «… 1940 ..Эстонийым Совет Ушем оккупироватлен. 1991 ийыште эрыклыкшым ..по*ртылтен»
    Йодам — Тиде ОККУПАЦИЙ але УШНЫМАШ лийын?
    — Эрыклыкым ПО*РТЫЛТЕН але Эстонийым МОНДЕНЫТ? (Берите суверенитета сколько можете проглотить).

    • Эстон-влак Совет Ушемыш пураш йодын огытыл, пошкудо кугыжаныш виеш туш шеҥын пурен да «ушнымаш» спектакльым шынден.
      http://goo.gl/AhPc7z
      Оккупация Эстонии в 1940 г.

      Эстон-влак 1985 ий деч вара шагал огыл шке эрыкыштым пӧртылташ ман кучедалыныт. Меат, марий-влак, тунам нунылан изиш полшенна: шарнем 1990 ийыште эрыкан Эстоний верч кидпыштыш-влакым (подпись-влакым) погенна. Эстон парламент 1991 ийыште лӱдде Эстоний угыч эрыкан манын пунчалым ок лук ыле гын, эрыклык кава гыч шке семынже ок камвоч ыле…
      http://goo.gl/n9fPoC
      20 августа 1991 года в Таллин прибыли отряды Псковской десантной дивизии. Добровольцами были организована охрана Тоомпеа и теле-радидома. Народным фронтом Эстонии на Площади Свободы был организован митинг, требованием которого была независимость Эстонии. В тот же день, поздно вечером в 23:02, Верховный совет Эстонии вкупе с руководством Эстонского комитета принял согласованное решение «О независимости Эстонского государства и создании Конституционной ассамблеи», провозгласив тем самым восстановление независимости Эстонии. Данная дата является в Эстонии государственным праздником.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s