Марий Форум шыже сессийышкыже погына

28-29 ноябрьыште Мер-политик рӱдерыште «Марий Форум: шыже сессий» эрташ тӱҥалеш.

Уна-влак республикынан кажне районжо гыч да марий-влакын тӱшкан илыме Одыэл, Пошкыртэл, Суасэл да моло кундем гыч толыт. Икымше кечын самырык-влак дене пашам ыштыме шотышто у йӧн-влакым илышыш шыҥдарыме нерген мутланымаш лиеш. Тӱвыра поянлыкым вияҥдаш самырык-влак мом ыштышаш улыт, кузе вара нуно саде у йӧн-влакетым тиде пашате кучылт кертыт? Ӱдыр-рвезе-влак тыгак шке шуктен шогымо сомылышт дене палдарат.

А кокымшо кечын форум умбакыже шуйна.

«Марий Форум: шыже сессийын» программыжым ончалаш темлена.

28 кылме

12.30 – 13.00 — Мер Каҥашын да тергыше комиссийын еҥышт-влакым шотыш налмаш.

13.00 – 16.30 — Мер Каҥашын кудымшо Пленумжын погынымашыже тыгай радам дене эрата:

1. Калыкын этнокултурло вияҥмашыжым самырык-влак кузе ужыт (докладым Мер каҥаш вуйлатышын алмаштышыже Е.А.Иванова ышта).
2. В.Г. Блиновын, Г.С. Григорьевын, И.А. Ивановын, Л.Л. Михееван, Ю.А. Морозовын, Р.Ш. Попован да Ю.А. Юсуповын верысе марий Мер Каҥаш актив-влакын паша шыныкышт нерген информацийышт.
3. Марий Эл да марий-влакын тӱшкан илыме кундем-влак кокласе пырляпаша да ойпидыш-влак нерген информаций.

18.00 — «Марий памаш» фольклор ансамбльын лӱмгече концертше.

29 кылме

09.00 – 9.30 — Конференцийыш толшо-влакым шотыш налмаш.
09.30 – 09.40 — Конференцийым почмаш.
09.40 – 10.00 — Марий Элыште тӱрлӧ калык да конфессий-влак кокласе кыл: пырля пашам ыштыме шынык (докладым Марий Эл Республикын тӱвыра печать да калык-влакын пашашт шотышто министр, Мер каҥашын еҥже М.З. Васютин ышта).
10.00 – 11.00 — Шнуй ото-влакым пӱртӱс шарныктыш семын арален кодымо пашам умбакыже вораҥдарен колтымо нерген докладым Мер каҥашын еҥже А.И. Таныгин ышта.
11.00 – 12.00 — Марий-влакын Федералле калыкле-тӱвыра автономийышталан негызым пыштыше конференцийыште лиймаш (докладым Россий Федераций Кугыжаныш Думын депутатше Л.Н. Яковлева ышта).
12.00 – 13.00 — «Пермские марийцы» книга дене палдарымаш (вӱдышӧ: Мер каҥашын еҥже Э.В. Куклина).

Форум годым Денис Речкинын «Марий-влак Россий мучко илат» фотосӱрет ончерже пашам ышташ тӱҥалеш.

Налмывер: Кидшер