Тартушто У ийым марла вашлийыныт

Пайремын ик вӱдышыжӧ - Ош Мераҥ (В.Семенова)

Пайремын ик вӱдышыжӧ — Ош Мераҥ (В.Семенова)

14 декабрьыште «Тарту марий-влак ушем» йӱлаш пурышо Изи Рошто — Шорыкйол — У ий пайремжым эртарен колтен. Тений икымше гана марий еш-влаклан марла У ий кож программымат ямдылыме ыле. Ёлко нерген марий рушарня школын туныктышыжо Валентина Семенова воза.

«У ий йочалан» тыгай лӱм дене Тарту марий-влак йоча пайремым Тарту литератур пӧртыштӧ кечывалым эртарен колтеныт. Тыгай мероприятий, лӱмын йоча-влаклан гына, икымше гана лийын. Тыгак тиде пайрем «Марий йылме йочалан» рушарня школын икымше пел идалык иктешлымашыже семын лие.

Йоча пайремым ямдылымаште шке ойыртемже уло. У ий вашеш ала-мо шуко жап вучымо, моткоч поро да юзо паша шукталтшаш шонымаш шукынжын озалана. Йочан тыгай шижмаш виянрак ушышто пӧрдеш. Садлан пайрем программе кумдан палыме йомакысе герой-влак деч посна кодын огыл: Йӱштӧ Кугыза шке ӱшанле полышкалышыж дене, осал Вувер Кува, кудыжо мучаште моткоч поро улмыж дене ӧрыктара.

Пайрем кас шке марий шӱлышыжым йомдарен огыл. Мутат уке, чыла пайрем программе мучаш марте марла йоҥген. Пайремыш Васли кува толын йоча-влакын мастарлыкыштым, мурен-куштен моштымыштым, почеламутым йоҥгалтарымыштым тӱткын терген аклен. Рушарня школышто йоча-влаклан ончылгоч марий Шорыкйол, кӧ тугай Васли кугыза ден Васли кува нерген посна урокым эртарыме лийын. Тыгак тунемше-влак шке кид дене нине герой-влакын чурий шылтыме насташтым ыштен ямдыленыт.

Марий пайрем куштымаш да мурымаш деч посна нигунам огеш код. Ончылгоч тунемме тӱшка марий куштымаш, кож йыр у ий мурым фортепьяно шоктымо дене мурымаш, тыгак музык дене кылдалтше шинчымашан мурызын мурымыжо, ия ковыж да тӱмыр дене шоктышын изи программышт пайремыш толшо-влаклан оҥай ыльыч. Тыгак йоча-кокла гыч флейте дене шоктышо лекте. Уна семын толшо одо ӱдырат, тошто марий такмак дене пайрем программым сӧрастарыш.

Лиза Салмиянова флейтым шокта:

Анна Мишина ден Инга Погонина (скрипке) Рошто мурым йоҥгалтарат:

Анна Мишина «Пылвомыш почылтын»:

«Изи кож» У ий мурым тӱшкан мурена:

Пайремын тӱжвал тӱсшат сӧрал лийын. Шке вий дене йоҥгыдо пӧлемым сӧрастарыме, мотор кожым шогалтыме. Йоча-влакат у ий костюм дене пайрем мучко коштыныт. Чарныде марий муро йоҥген.

Пайрем мучаште Йӱштӧ кугыза чыла йоча-влаклан тамле пӧлекым кучыктен, Васли кува дене «У ий сӱрет» да «У ий пайрем чием» конкурс-влакым иктешлен. Тыгак рушарня школыш коштшо йоча-влак чап кагаз дене палемдыме лийыч

«У ий йочалан» пайрем толшо йоча-влаклан тамле кочкышан ӱстел дене кошарген.

Иктым палемдаш лиеш, икымше гана йочалан эртарыме У ий пайрем оҥайын да веселан эртен. «Тарту марий-влак ушемын” чолга еҥже-влаклан, уло кумыл дене полшен шогышо ача-ава-влаклан да пагален толшо (Тарту ола гыч гына огыл) уна-влаклан, сера В.Семенова.

Касвелеш, моло ийласе семынак, марий-влак жапым Пеплери 14 тӱшкагудын каминан каныме залыштыже эртареныт. Тушто мончаш миен толаш йӧн лийын, кочкаш-йӱаш, марла мураш да кушташ.

Пайрем ӱстелым погаш да каныме пӧлемым арендоватлаш Эстонийысе калык-влакын ассоциацийже (Eestimaa Rahvuste Ühendus) полшен. «Тарту марий-влак ушем» тиде ассоциацийыш пура.

Васли Николаев,
«Тарту марий-влак ушемым» вуйлатыше

Фотосӱрет-влакым Наталья Пӓртин ден Васли Николаев ыштеныт, тӧрлатеныт

5 комментариев

Filed under Артикль-влак, Видео, Фото-влак

5 responses to “Тартушто У ийым марла вашлийыныт

  1. ошкуэ

    Пагалыме Васли шоляш, Валюша Семенова ,да шке жапыште тунемаш кайше, шке илыш корным мушо мари у:дыр-каче шамычем!Чыла Тарту- Эстонийыште илыше марий-влак.
    У ий дене тендамат уло кумылын саламлем. Куанен, кугешнен лудам, ончем тендан кызытсе илыш-сомылда нерген.
    Кажныже шке надырым шкалан ыштен моштен, Икымше Марий Эл Президентын ту:Налме — шуймо пашаже таче чапле кышам кода, лектышым пуа.
    Мари-влак тунемыт да у:шанынем умбакыжат туныктымо, шанче да ту:вра аланыште шуко пайдале кышам кодеда.
    Мылам моткоч келша Тартусо самырык мари ушемын пашаже. Саламлем»Eestimaa Rahvuste Ühendus» Ассоциацийыш пурымыда дене ! Вашкылда лектышан лийже.

  2. Ben

    «…Ёлко нерген марий рушарня школын туныктышыжо Валентина Семенова воза.»,»…Тыгак тиде пайрем «Марий йылме йочалан» рушарня школын икымше пел идалык иктешлымашыже семын лие…» Тартушто рушарня марий школ уло вет, Васли?

  3. эсан пабай

    Чувствуется, что у них действительно тоска по Родине.

  4. Уведомление: Тартушто У ийым марла вашлийыныт… | Чимарий тӱня!

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

w

Connecting to %s