Шорыкйол арня 4 гыч 11 январь марте эрта.
Арня жапыште марий яллаште, я селаште мӧчӧр-влак коштыт, Васли кугыза ден васли кува эртыше ийым иктешлат. Калык пашаче, я його лийын – пален налыт. Иктыжым мокталта гын, весыжым вурсат да ӱчым шуктат.
Марий рӱдер 11 январьыште Советский районышто Шорыкйол арням иктешла да калык дене весела пайремым эртара. Кужмараште 17.30 шагатлан, Кельмаксолаште 19.30 шагатлан. Мӧчӧр семын чиен толшо-влакым пӧлек вуча.
Программыште «Чон оҥгыр», Лариса Сидоркина да оласе мӧчӧр-влак, мужедмаш да гармонь почеш марла куштымаш.
Налмывер: Марий тӱвыра рӱдер
Фото: Ф.Телков
MariUver 