Таллиннысе ТВ-н «Kultuurimeeter» (Культур метр) передачыже финн-угор калык-влаклан пӧлеклалтын. Тушто марий поэт Альбертина Иванова да режиссер Алексей Алексееват лийыныт.
Передаче шыжа тылзын Эстонийыште эртыше Родо-тукым кече-влакым пайремлыме жапыште лектын. Тиде пагытыштак «Headread» (Сайсылнымуткорно-влак) литератур фестиваль эртен. Фестивальын ик мероприятийже финн-угор почеламутлан пӧлеклыме лийын да тудын негызеш ТВ-передаче ышталтын.
Мероприятийым Эстонийыште илыше одо почеламутчо Муш Нади (Надежда Пчеловодова) вӱда. Уна-влак марий Альбертина Иванова да коми поэт Нина Обрезкова шке почеламутыштым лудыт. Тыгак нуно шочмо йылмышт дене лекше литартур да шке калыкышт нерген ойлат. Эстонла почеламут-влакым эстон серызе Карл-Мартин Синиярв лудеш.
Рушэлыште илыше финн-угор калык-влак да нунын литературышт нерген Арво Валтон кутыра.
Шке чынилыш киношт-влак да марий калык нерген А.Алексеев каласкала. Передачым тудын фильмышт-влак гыч ужаш-влак дене сӧрастарыме.
«Kultuurimeeter» передачым ончыза:
MariUver
Видео: kultuurimeeter
MariUver 