Марий КВН лишемеш

Кылме тылзын 23-шо кечынже Йошкар-Олаште «Талешкын корныжо…» республик кӱкшытан КВН-таҥасымаш эрта. КВН-конкурсын темыже: «СТИП – самырык тукым илыш пӧрдемыште».

«Талешкын корныжо…» республик кӱкшытан КВН-конкурсым «Республикысе марий тӱвыра рӱдер» республикысе бюджет тӱвыра тӧнеж Марий Эл Республикын тӱвыра, печать да калык-влакын пашашт шотышто министерствыжын полшымыж дене «2009-2013 ийлаште Марий Эл Республикын этнокультур могырым вияҥмашыже» республикысе лӱмын ыштыме программа дене келшышын эртара.

I. Чумыр увер.

1.1. «Талешкын корныжо…» республик кӱкшытан КВН-конкурс Йошкар-Олаште 2012 ий 23 ноябрьыште 18 шагатлан лиеш.

1.2. Конкурсын цельже да задачыже:

· ялысе ӱдыр-рвезе-влакым усталык пашаш ушаш;
· самырык тукымын уш-акыл да усталык кӱкшытшым вияҥдаш;
· талантан у маскараче-влакым кычал муаш;
· ялысе уста самырык тукымлан мыскара аланыште мастарлык ден усталыкыштым тергаш йӧным ышташ;
· марий мыскарам вияҥдаш да у кӱкшытыш лукташ.
· Марий Эл Республикыште тӱрлӧ творческий коллектив дене кылым пеҥгыдемдаш да вияҥдаш;
· самырык тукымлан да тыгак моло ийготан-влаклан тӱрлӧ йӧн: семинарым, мастер-классым эртарыме дене шуаралташ полшаш.

1.3. Конкурсым ямдылыме да эртарыме шотышто конкурсын организационный комитетше (умбакыже – Оргкомитет) вуйын шога.

2. Конкурсым ямдылат да эртарат.

2.1. Ямдылыше-влак:

· Марий Эл Республикын «Республикысе марий тӱвыра рӱдер» кугыжаныш бюджет тӱвыра тӧнеж.
· «Марий Эл Радио – Радио Марий Эл» АУ;

2.2. Увертарыме сомылым шуктат:

· «Кугарня» газет» кугыжаныш казна унитарный предприятий;
· «Марий Эл» газет» тичмашын огыл мутым кучышо общество;
· «Марий Эл Радио – Радио Марий Эл» АУ;
· ВГТРК-н «Марий Эл» ГТРК-же.

2.3. Конкурс 2012 ий 23 ноябрьыште Марий Эл Республикын тӱвыра, печать да калык-влакын пашашт шотышто министерствыжын полшымыж дене эртаралтеш.

3. Конкурсын участникше-влак.

3.1. КВН-конкурсышто Марий Эл Республикын тӱрлӧ районжо гыч (тӱрлӧ ийготан) команде-влак шке вийыштым терген кертыт. Команде-влак йодмашым фестивальын оргкомитетышкыже 2012 ий 10 ноябрь марте колтен шуктышаш улыт.

4. Конкурсын участникше-влак ямдылышаш улыт:

4.1. Кажне команде шкеж дене палдара: «Чын марий улына» – 10 минут марте.

4.2. Уш-акылым лывыртымаш (разминке): кажне команде вес командылан ваш-ваш кум йодыш дене ямдыла – ик йодышлан вашмутым 30 секунд жапыште пуэн шуктыман.

4.3. Мӧҥгысӧ паша: кажне команде «Мемнан жапыште марий йоча…» темылан кӱчык спектакльым ончыкта — 10-12 минут марте.

5. КВН-конкурсым эртарыме условий:

5.1. Командыште 12 еҥ деч шагал огыл лийшаш.

5.2. Кажне командын шке йӱк режиссержо лийшаш.

5.3. Шомак деч посна йоҥгалтше семым кучылтман.

6. КВН-конкурсым иктешлыме радам:

6.1. Конкурсым жюри теве мо шотышто акла:

· Команде-влак КВН-конкурсын темыж деч кораҥшаш огытыл;
· Команде-влакын ойыртемалтмышт (сценыште шкем кучен моштымаш, артист койышым ончыктымаш, мыскарам ыштен моштымаш.)
· Кӱчык жапыште йодышлан вашмутым писын кычал мумаш да тудым мастарын модын ончыктымаш.
· Конкурсышто кучылтмо семын кӱкшытшӧ.

6.2. Конкурсышто сеҥыше-влаклан 1-ше, 2-шо да 3-шо степенян диплом пуалтеш. Тыгак тыгай номинацийыште сеҥыше-влак палемдалтыт:

— эн пӱсӧ уш-акылан капитан;
— эн музыкальный команде;
— ончышо-влаклан эн чот келшыше команде (приз зрительских симпатий).

6.3. Жюрин пунчалже шотышто ӱчашымаш лийын ок керт.

7. Конкурсышто участвоватлыме шотышто посна условий-влак:

7.1. Районла гыч команде-влак Йошкар-Олашке шке кӱшеш толыт.

7.2. Конкурсышто команде-влакын ончыктымо ден мурымо сӱретыштым да мурыштым оргкомитет видео-аудиодискыш возен налын кертеш. Тудым вес ганат кучылтмо шотышто праван лиеш. Тыгодым участник-влаклан гонорар ок тӱлалт.

Марий тӱвыра рӱдер да РЕГИОН 12 материал негызеш
MariUver

4 комментария

Filed under Видео, Увер-влак

4 responses to “Марий КВН лишемеш

  1. Кргори

    Может я что-то в этом мире уже не понимаю,но зачем из людей целенаправлено делать пошлых,примитивных обезьян ?Посмотрел по рен тв на как будто пьяную женщину в коротком красном платье не платье, и уже не скажешь что женщина лучшая часть человечества.Зачем извне брать самое пошлое,гадкое? Ведь мир так прекрасен !

  2. Аноним

    КВН-ште Оршанке педколледж, Марий Турек училище, Морко районысо Кушна кундем, МарГУ, «Кугарня» газет, Шернур Марисола, Параньга Елеево участвоватлат.

  3. Аноним

    Шотлымаште кудымшо КВН эртыш. Тынар команде да тыге оҥайын да мастарын модыт манын вучымат огыл. Толыныт да ончыктеныт. 1 верышке «Кугарня» газетын «10-ка» командыже лектын, 2-шышто Шернур район Марисола школын «Мустафан луйжо-влак» команде, 3 вер Марий кугыжаныш университетын «Студвий — сӧсна ден пий» командыжлан логалын. Эн музыкальный командылан «Кугарня» газетын «10-ка» командыже, «уста капитан» номинацийым Владимир Актулаев да погынышо-влаклан келшыше — Оршанке район «Яндар йӱк» команде, «Ӱшанена» номинаций Марий-Турек ял озанлык техникумын «Российын йочаже-влак» команде сеҥен налыныт.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s