Марий книга савыктыш сылнымутым йöратыше-влаклан эше ик у книгам луктын. Яков Егоровын «Ир шоган» романже ятыр марий еҥын кумылжым авалта, шонена.
Вет романыште Кугу Авамланде сар деч варасе неле илышым, икшыве-влакын шужен, йöсланен кушмыштым, кугыеҥ дене тӧр пашам ыштымыштым, тыршен тунемаш тӧчымыштым ончыктымо.
Романын тÿҥ талешкыже — Якимлан — кумылжо йодмыж почеш школыш кошташ огеш логал, а, ятыр вере тÿрлö пашам ыштен, ешыш оксам кондашыже верештеш. Аваж ден шÿжарже-влакым чамана. Ачаже казаматыште шинча. Яким шуко нелылыкым чытен лектеш. Пашам йöратымыже, чытыше, ушан улмыжо тудым калык пагалымашыш луктыт.
«Ир шоган» роман — илыш энциклопедий. Тушто шуко кÿлешан ой-каҥашым, рецептым муаш лиеш.
Яков Егоровын йылмыже йымыжа, роман куштылгын лудалтеш.
Марий книга савыктыш
Налмывер: Марий Элын тӱвыра министерствыже
MariUver 