Таир юнкорым вашлийын

2 июньышто Таир ер воктенсе «Журавушка» йоча рӱдерыште юнкор слёт почылтын.

Тудым Марий Эл Тӱвыра, печать да калык-влакын пашашт шотышто министерствын, Кастрен ушемын полшымышт дене «Ямде лий» газет редакций эртара. Ий еда увертаралтше юнкор вашлиймаш шочмо калыкланна ончыкылык журналистым, йылмызым, сылнымут пашаеҥым — тыглай каласаш гын, чолга марий айдемым куштымаште кумда верым айла.

Тений юнкор еш 20 икшывым ушен. Нуно утларакшым Марий Эл гыч улыт, ныл йоча Пошкырт кундем гыч толын. Чыланат весела кумылан, каныш жапым пайдалын эртараш ямде улыт. А.Хлыбов (Куженер, Коҥганур), Д.Апаев (Шернур, Марисола), А. Гусева (Советский, Кодам) сылнымутым возаш кумылаҥыныт. А Г.Александров (Волжск, Сотнур), Н.Кошпаева (Шернур, Кукнур), А.Захаров, С.Алексеев, О.Ямбулатова, Э.Аптыкаев (Пошкырт Республика) “Журавушка” рӱдер вуйлатыше Г.Карунинын увертарыме таҥасымашке ушнаш кумылым ончыктеныт. Геннадий Лаврентьевич йоча-влаклан «Мыйын шочмо элем – Марий Эл», «Коло ий гыч мый кӧ лиям?» шонкалымашан конкурсым увертарен.

Слётым мучашлыме годым сеҥышылан пӧлекым кучыкта. Йоча-влак арня жапыште у шинчымаш дене пойдаралтыт. Нунын дене журналист-влак Л.Семёнова, Л.Григорьева, А.Шакирова, А.Эманова, В.Матвеев, писатель-влак З.Дудина, Ю.Соловьев пашам ышташ тӱҥалыт.

А вожатый-влак Н.Семёнова, В.Горохова нунылан тунар шуко модышым, конкурсым, спорт таҥасымашым, мурым да кумылым нӧлтышӧ ойым ямдыленыт! Ик арня жапыште чылажым ыштен шуктат мо, ала…

Зоя ГЛУШКОВА

Снимкыште: «Вет ме юнкор-влак улына», – ойлат ӱдыр-рвезе-влак.

Налмывер: «Марий Эл» газет

1 комментарий

Filed under Увер-влак

One response to “Таир юнкорым вашлийын

  1. Никитин С.П.

    Поро паша!

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s