Ӓтямӱлӓндӹн пурыжы гишӓн шанымашвлӓ

Вислава Шимборская (тенгеок Вислава Шымборска, поляк поэтесса, 2-шы июль 1923-шы и – 01-шӹ февраль 2012-шы и.) 1996-шы ин сӹлнӹшая Нобель премин лауреатшы.

1931-шӹ и годшен Краковышты ӹлен, кышты школым пӹтӓрен. 1945 – 1948-шӹ ивлӓ лошты Ягеллон университетӹштӹ поляк сӹлнӹшая дон социологим тыменьӹн, но пӹтӓрӹде. 1953—1981-шӹ ивлӓн Краковыштыш „Życie Literackie“ (Литература ӹлӹмӓш) газетӹштӹ ӹштен. „Szukam słowa“ («Шамакым кӹчӓлӓм») лӹмӓн пӹтӓриш лӹдышыжым Ш. 1945-шӹ ин сирен. Пӹтӓриш ӹшке лыдыш книгӓжӹ „Dlatego żyjemy“ (Тидӹлӓн ӹленӓ) 1952-шы ин лӓктӹн, кышты эче соцреализм шӱлӹш шижӓлтеш. Жеп изиш эртӹмӹкӹ Ш. ти книгӓштӹш лыдышвлӓжӹм ӹшкеок критикуен дӓ сӓмӹрӹк ивлӓн самынь ӹштӹмеш шотлен. 1980-шы ивлӓн Шимборска Парижӹштӹ полякла лӓкшӹ «Культура» журнал доно кӹлвлӓм кычен, «Солидарностьышты» (Solidarność) ылын дӓ книгӓ лыкшы фирмышты пӓшӓлен. Француз авторвлӓн пӓшӓвлӓштӹм туан йӹлмӹшкӹжӹ сӓрен. Поэзижӹ гишӓн 1996-шы ин сӹлнӹшая Нобель премим пумы.

Техень книгӓвлӓжӹ лӓктӹнӹт:
• Dlatego żyjemy (1952)
• Pytania zadawane sobie (1954)
• Wołanie do Yeti (1957)
• Sól (1962)
• 101 wierszy (1966)
• Sto pociech (1967)
• Wiersze wybrane (1967)
• Poezje wybrane (1967)
• Wszelki wypadek (1972)
• Wielka liczba (1976)
• Ludzie na moście (1986)
• Poezje: Poems (edycja dwujęzyczna polsko-angielska) (1989)
• Lektury nadobowiązkowe (1992)
• Koniec i początek (1993)
• Widok z ziarnkiem piasku (1996)
• Sto wierszy – sto pociech (1997)
• Chwila (2002)
• Rymowanki dla dużych dzieci (2003)
• Dwukropek (2005)
• Tutaj (2009)

Ӓтямӱлӓндӹн пурыжы гишӓн шанымашвлӓ
(лаштык)

Тӹньӹн пуры шамакет гӹц паснаок ӹлен лӓктӓш лиэш
шӱмет веле пӱкш гань кукшы лижӹ
мам пуйырен – из цӓркӓ гӹц йӱӓш
ойхы дӓ нелӹ годым яжо жеп толмым вычен
ӧрдӹштӹ шалгаш
пӹцкемӹш годым левӓшӹм леведӓш
пырак йӹлгӹжмӹм «сотемеш» манаш
аяр анжалмым цаклыде кодаш.
Махань пуры шамак нӹнӹлӓн эче ак ситӹ
нӹнӹлӓн, кыдывлӓ йылатен лыкмы окня вуйта ылыт
пыдыргыш охоницӓ, шӓлӓнен кешӹ шӹкш
нӹнӹлӓн, кыдывлӓ урын кешӹ пушӓнгӹ вуйта ылыт
кыды рокыш келгӹн важвлӓжӹмӓт колтен шоктыде
ӹнде ти важвлӓм мардеж шыпшеден лыктын
яра эче ӹлӓ пелек-турек шӱлен
ӓнят тӹдӹ ыжар цӹрежӹмӓт ямдаш тӹнгӓлӹн
дӓ шӹргӹн кого хорыштыжы акат шужгалты?
Ӓтямӱлӓндӹ, валгыды (свӓтой) мӱлӓндӹ
урын кешӹ пушӓнгӹ веле ит ли тӹньӹ.
Ӹлӹмет семӹнь цаткыдем, сусуэм
кӧргӹштет ойхым, когоэшнӹмӓшӹм, шӹдӹм урды.
Кӹрӹн шумы шӹртӹ ит ли тӹньӹ.
Ӹлен лӓктӓш лиэш тӹньӹм яратыдеок – дӓ ӹлӓш
нимахань пурым тӹлӓнет ӹштӓш агыл…

Кӱ техень поэт?

поэт ылеш тӹдӹ кыды лыдышвлӓм сирӓ
дӓ тӹдӓт кыды лыдышвлӓм ак сирӹ
поэт ылеш тӹдӹ кыды кӹлвлӓм кыча
дӓ тӹдӹ кыды кӹлвлӓм кӹреш
поэт ылеш тӹдӹ кыды ӹнянӓ
дӓ тӹдӹ кыды ӹнянен ак керд
поэт ылеш тӹдӹ кыды алтала
дӓ тӹдӹ кыдым алталат
тӹдӹ кыды кенвазеш
дӓ тӹдӹ кыды кӹньӹлеш
поэт ылеш тӹдӹ кыды лӓктӹн кеӓ
дӓ тӹдӹ кыды лӓктӹн кен ак керд

Поляк йӹлмӹ гӹц
Валери Микор сӓрен (1996 ин)

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s