Эртыше шуматкечын Курчак театрышке калык шыҥ-шыҥ погынен.
10 декабрьыште марий калык Марий тиште кече пайрем пайремлен. Ынде ятыр ий тиде кече калык чоным вӱчка, марийын кнагажым ушкал кочкын манын ойлаш нигӧ огеш вашке.
Курчак театрын фойештыже книга ончер кумда посто гай шарлен шогалын ыле. Марий книга савыктыш, В.Колумб лӱмеш рӱдер-тоштер да т.м. издательстве-влаклан лудаш книгам кугешнен ужалышт.
Марий пайрем дене саламлаш Марий Эл Республик вуйлатышын алмаштышыже, тӱвыра, печать да калык-влакын пашашт шотышто министр МихаилВасютин, Кугыжаныш Погын вуйлатышын алмаштышыже Анатолий Иванов толыныт.
М.Васютин марий йӱлам аралымаште кугу надырым пыштымыжлан онаеҥ Альберт Рукавишниковлан Марий Эл Республик Правительствын Чап грамотым кучыктыш.
А.Иванов марий возыктышын кугу кӱкшытышкӧ нӧлталалтмыжым палемдыш.
Марий тиште пайремышке самырык марий ӱдыр-влак толыныт. «Ямде лий» газет Марий Эл Республикын шочмыжлан пöлеклалтше викториныште сеҥыше-влакым палемдышт да шергакан пöлекым кучыктыш.
Марий тиште кечым пайремлаш толшо-влакым РФ сулло артистше, Марий Элын калык артистше Иван Смирнов, Марий Элын сулло артистышт Олег Логинов, Вячеслав Сазонов, Александр Беляев, «Шокто гармонь», Марий кугыжаныш университетын ӱдыр-рвезышт да т.м. куандарышт.
Пайрем кас «Марий калык арале мландетым…» (мутшо Т.Пчелкинан, семже Ю.Шишмаковын) мучашлалте.
Марий тӱвыра рӱдер
MariUver 