Шукерте огыл Марий Элын рӱдолаштыже юнкор слёт лийын.
Марий Элын тӱрлӧ районжо гыч, Киров область, Татарстан, Пошкырт республикыла гыч 30 икшыве И.Палантай лӱмеш тӱвыра колледжын тӱшкагудыштыжо иленыт.
Тений юнкор пашаште чолган тыршыше изирак ийготан икшыве-влакым чумырымо. Садлан слётым эртарыме верлан Йошкар-Олам ойырымо. Тыште юнкор пашалан шӱмаҥдыме дене пырля икшыве-влакым писатель, артист, мер пашаеҥ-влак дене вашлийын кертыныт. Тыгак театрыш, тоштерлашке лектын коштыныт, Йошкар-Оланан мотор паркшым, уремлажым ончыкташ йӧн лийын, воза «Марий Эл» газет.
«Марий Эл ТВ»-н видеосюжетше:
Видео налмывер: video.vmariel.ru
MariUver 