Daily Archives: 10.04.2011

«Марий Эл» ансамбль, Михаил Мурашко да ансамбль нерген книгаж нерген коллективыште 26 ий пашам ыштыше Нина Макарова «Марий Эл ТВ»-лан каласкала:

Видеом налмывер: video.vmariel.ru

8-10 вӱдшорын Йошкар-Олаште Куштымашын да куштышо ден хореограф-влакын I тӱнямбал фестиваль-конкурсышт эртен. Тудо «Марий Эл» ансамбльым ончыч вуйлатыше хореограф Михаил Мурашкон 70 да тудын усталык пашажлан 50 ий теммылан пӧлеклалтын. Фестивальым почмо кечын ыштыме «Марий Эл ТВ»-н видеосюжетше:

Налмывер: video.vmariel.ru

М.Шкетан лӱмеш Марий кугыжаныш драме театрын да К.В.Иванов лӱмеш Чуваш академический драматический театрын актёржо-влак ынде ятыр ий унала коштыт, калыклан я марла, я чучвашла спектакль-влакым ончыктат. Тыгай келшымаш ий гыч ийыш пеҥыдем толеш.

1975 ийыште, лу ий ончыч В.В.Луначарский лӱмеш Театральный искусство кугыжаныш институтышто тунемын, М.Шкетан лӱмеш Марий кугыжаныш да К.В.Иванов лӱмеш Чуваш академический драматический театрлашке толшо актёр-влак чуваш да марий калык-шамычлан марла да чувашла спектакль-влакым модын ончыкташ кутырен келшеныт да тиде ий шошымак чуваш артист-влак Йошкар-Олашке Николай Айзманын пьесыж почеш чувашла шындыме «Кай, кай, Йыванлан» спектакль дене унала толыныт. Читать далее →