Теве тыге марий калык Ӱярням эртарыш (+ФОТО)

Йошкар-Оласе Марий тӱвыра рудер ий гыч ийыш марий йӱла пайрем-влакым эртарен шога. Теният 6 мартыште У Торъял район Немда-Обалыш ялыште республик кӱкшытыштӧ марий Ӱярня пайрем эртыш. Пайремышке ятыр районла гыч марий калык погынен.

У Торъял район администрацийын вуйлатышыже Василий Блинов, РФ Кугыжаныш Думын депутатше, Марий Мер каҥаш вуйлатыше Лариса Яковлева, Тӱвыра печать да калык-влакын пашашт шотышто министрын алмаштышыже Галина Ширяева, Йошкар-Оласе У Торъял землячествын вуйлатышыже Виктор Наумов, тӱҥ онаеҥ Александр Таныгин марий калыкым Ӱярня пайрем дене шокшын саламленыт.

Марий калык йӱлалан поян. Теве «первый йӱмашым» У Торъял район Кугу Нурма тӱвыра пӧртын «Шонанпыл» фольклор ансамбльже шарныктарен. «Ӱдыр тулартымаш» йӱлам мурышо да куштышо «Ал ӱжара» фольклор ансамбль ончыктыш. «Азалан лӱмым пуэна» Лумарий фольклор ансамбль пеш оҥайын модыч. «Мӱндыр родым вашлийына» йӱламат Немда культур пӧртын «Эрвий» фольклор ансамбльже порсын кумылым ончыктен мӱндыр унам вашлийыч. «Кинде авызлымаш» йӱлам Кузнеч тӱвыра пӧртын «Келшымаш» фольклор ансамбльже мастарын модын ончыктышт.

Тылеч посна Кужеҥер район «Ший аршаш», У Роҥго кугыялын «Кугезе кумыл», Марий тӱвыра рӱдерын «Чон оҥгыр» да Ӧршасола районын «Какшан сем» фольклор ансамбльышт-влак мурен-куштымашышт ден калык чоным вӱчкышт. Тыгак Палантай лӱмеш тӱвыра да сымыктыш колледжын студентше-влак куштымаш мастарлыкым ончыктышт.

Ӱярня шке модышыжымат шарныктараш таратыш. Ӱярня курык гыч мунчалтымаш, «Карта паҥга дене модмаш», тӱрлӧ таҥасымашышке лач икшыве гына огыл, ӱдырамашыжат, пӧръенжат талын ушнышт. Сонар ече дене пӧръеҥ-влакын ӱчашымашышт моткочак оҥайын койын.

Икманаш кӧн чонжо мом йодын: ансамбль-влакын мастарлыкыштым ончалаш, а икмынярыштын модаш-веселитлаш – чыла тидым Обалыш ялыште тӱр гоч ышташ лийын.

Марий касат верысе тӱвыра пӧртыштӧ моткочак веселан эртыш. Куштен-мурен пытарымек калык погынен Ӱярня кувам ужаташ лекте да ийыште погынышо лавырам да осалым йӱлалтен поктен колтыш. А вара родо-тукымжо дене пырля ял мучко унала кошташ кайыш.

Теве тыге марий калык ик эн йӧратыме да вучымо пайремжым эртарыш.

Марий тӱвыра рӱдер

Фотосӱрет-влакым Культур министерствын сайтше гыч налме

Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s