18 пургыжын Морко районысо калык усталык, тӱвыра да каныме рӱдерыште республик кӱкшытан «Шочмо кундемын семже» фестиваль-конкурс лиеш.
Тиде музык фестивальым эртарышыже Марий Элын Tӱвыра, печать да калык-влакын пашашт шотышто министерствыже, Республикысе калык усталык да тӱвыра паша шотышто шанче-методикле рӱдер, Морко район администрацийын тӱвыра, капкультур да спорт пӧлкаже улыт.
Фестивальыште кӱсле, шӱвыр, шиялтыш, марла гармонь дене шоктышо, шун шӱшпык дене шӱшкалтыше, лышташ дене лӱҥгалтыше калык гыч лекше сем мастар-шамычын шоктымыштым колышташ йӧн лектеш.
Тыгак калык семӱзгар шоктымо почеш мурышо, куштышо коллектив-шамыч погынат. Нунын коклаште Марий Тӱрек район, Сысоево гыч «Савак кундем», Кужеҥер район, Йывансола гыч «Мурсескем», Провой район, Кужмарий гыч кӱслезе да Поянсола гыч гармоньчо-влак, Чакмарий гыч «Чак» ансамбль, Курык марий район, Йоласал гыч кӱслезе-шамыч, Морко район, Унчо гыч сем мастар-влак, Эҥерсола гыч фольклор ансамбль, У Торъял район, Кугу Лумарий гыч «Шӱшпык» тевыкле йоча калык семӱзгар оркестр да шукын молат лийыт.
Тиде кугу фестиваль марий калыкын уста сем мастарже, Марий Эл культурын сулло пашаеҥже Пётр Эчейкинын шочмыжлан 70 ий темме лӱмгечылан пӧлеклалтеш.
Налмывер: «Марий Эл» газет
MariUver 
Мыняр шагатлан да кушто концерт лийеш?