Ӱштӹ Тьотя

Шамак дон семжӹ
П.Й. Ханникайнен.
Мырым 1901 ин сирӹмӹ

Тетявлӓ:

Ӱштӹ Тьотя, Ӱштӹ Тьотя
ош пандашан шонгы тьотя,
малын вара тупэт мыгыр?
Толок тишкӹ, шӹцок шыгыр.
Тошты пӓлӹм ӹлат тӹньӹ,
ӧрш пандашет пишок цевер,
тиштӹ ылыт пур´ тетявлӓ
соты сӹнзӓн мындришкӓвлӓ.

Ӱштӹ Тьотя, Ӱштӹ Тьотя
ош пандашан шонгы тьотя,
тол сагана, тишкӹ аяш,
мӓ сагана веселӓйӓш!
Тӹньӹм мӓ соок выченӓ,
толок тишкӹ, мыралтена,
мадылдална — кушталтенӓ
сусун жепнӓм эртӓренӓ.

Ӱштӹ Тьотя:

Кого тау пур´ тетявлӓ,
соты сӹнзӓн мындришкӓвлӓ,
кого шалӓэт тӓлӓндӓ
мырызывлӓ, мындришкӓвлӓ!
Анжем вады сусу тонда,
а мӹлӓнем пакы шом´ла,
корнем кужы эче мӹньӹн
вес тетявлӓ вычат мӹньӹм.

Тетявлӓ:

Ӱштӹ Тьотя, Ӱштӹ Тьотя
ош пандашан шонгы тьотя.
Корнет кужы – мӓ пӓленӓ:
хыналалма изиш тонна!
Мӱӓн вӹдӹм подылалок
угӹцӹн вим погалалок
кужы корнет доно кеен
кышкы шанет, тӹшкӹ шоок!

Ӱштӹ Тьотя:

Тау, тау пур´ тетявлӓ,
соты сӹнзӓн мындришкӓвлӓ.
Мӹнь гишӓнем ӓштӓш манын
пуэн кодем канфеткӓвлӓм!

Тетявлӓ:

Кого тау, пуры Тьотя,
кого тӓнгнӓ Ӱштӹ Тьотя.
Ӹнде мӓ цеверлӓсенӓ
весин угӹцӹн выченӓ.

Кырык марлашкы
Валери Микор пиштен