Ош Кугу Юмо, марий калыклан вийым, уш-акылым, тазалыкым пуэн шого!
Кажне ийын марий калык Чумбылат курыкыш (Киров областьын Советск районыштыжо верланен) Курык кугызалан кумалаш, марий калыклан тазалыкым, еш перкем, тыныслыкым, пашаште сенымашым, чонышто ласкалыкым йодаш коштеш. Толыт шорык, комбо дене. Тений кумалмаш 11 пеледышын лие.
Эн ончыч чылан курык тайылыште верланыше (а тушкыжо волаш моткоч тура) памаш гыч вийым пуышо вӱдым подылыт, чурийыштым шӱалтат. Южышт умбалнырак йоген лекше вес памашеш йӱштыл лектыт. Вара Чумбылат да Курык Кугызан кӱышт-влак воктеке шогалын, шканышт, ешыштлан чыла сайым йодыт.
Тений кумалмашым 16 карт кугыза эртарыш. Вара чылан куд подышто шолтымо шӱр ден пучымышым тамлышна. Калык шуко погынен ыле.
«Марий Эл ТВ»-н видеосюжетше:
Ирина Степанова
Авторын фотожо-влак
Налмывер: «Кугарня» газет
MariUver 