«Сургутышто марий-влак порырак улыт»

В.Килеев ден Н.СалееваВячеслав Килеев дене Морко район, Октябрьский поселкышто  Марий самырыктукымын I Пÿтынь Российысе слетыштыжо палыме лийна. Тудо Хант-Манси автоном округысо Сургут ола гыч.

Тыгай тора мланде гыч  Вячеслав Килеев ден Наташа Салеева марий калыкын йӱлаже, тÿвыраже дене палыме лияш лӱмын толыныт. Ятыр оҥай еҥ дене вашлийыныт,  у йолташ-влакым муыныт. Лекцийлаште, занятийлаште налме шинчымашым, темлымашым Сургутышто илыше марий ӱдыр-рвезе-влакым пайдале пашаш ушымаште кучылтнешт, илышыш шыҥдарынешт.

Вячеслав Сургутышто шке йырже марий ӱдыр-рвезе-влакым чумырен, изирак ушемым ыштен. Марий йӱла туштат ила. А слет тудлан эшеат кугу полышым пуэн, шӱкалтышым ыштен.

— Марий улам гынат, калыкемын историйжым сайын пален омыл, слет мылам шинчам почын, ынде марий улмем дене кугешнен кертам. Поснак марий кумалтышышке миен толмо чонем тарватен, калыкнан историйже деке утларак мелын савырен. Мöҥгö толмеке, слетышто налме шинчымашым пашаштем кучылташ шонем. Самырык-влак дене марий йӱлам арален кодаш тыршаш тӱҥалына, — кумыл нöлтын каласыш Вячеслав.

Чолга рвезе Интернет гоч Марий Эл дене кылым шукертак куча. Республикыш кокымшо гана толын. Тыште родо-тукымжо уке гынат, йолташыже-влак тудым кугу родо семын вашлийыт.

Сургутышто марий-влакын чотышт кугу огыл, туге гынат шке мер ушемышт уло, куштышо ансамбль-влак пашам ыштат. Теве Федоровский поселкышто «Сибирь марий», а Ханты-Мансийскыште «Эрвий»  куштышо ансамбль-влак улыт. Тушко ӱдыр-рвезе-влакат коштыт. Вячеслав шкежат кушташ йöрата. Садлан слетышто марий сӱан годым устан тавалтымыже ончаш толшо-влакын чоныштым савырыш.

Вячеславын аваже — Татарстанысе Менделеевский район, Актазики, ачаже — Удмуртийысе Грак район, Кугу Ерыкса ял гыч. Слава шкеже марла чыла умыла, изиш кутыра, а ача-аваже коклаштышт эре марла мутланат манын ойла. Нунын дене марла мутланен колтымыжо эре шуын, но тушто марий йылмым огыт туныкто. Ынде тудат, мöҥгö пöртылмекыже, нунын дене марла сайрак кутырен кертеш, марла ойласен колтымыж дене нуным öрыктарен, очыни.

— Мӱндырнö илыме ик вӱран калыкым утыр ваш лишемда, ваш-ваш полышкалаш тарата. Садланак Сургутышто марий-влак порырак улыт, унам шокшын вашлийме дене ойыртемалтыт. Тидым мый кызыт шке шинчам денак ужам. Ме шагалын улына, туге гынат шокшо шӱмна унала толшо-влакым кече семын ырыкта.

Лидия ШАБДАРОВА

Снимкыште: В.Килеев ден Н.Салеева

Налмывер: «Марий Эл» газет

2 комментария

Filed under Артикль-влак

2 responses to “«Сургутышто марий-влак порырак улыт»

  1. Осалрак мари

    «Порырак» лийме шуко деч шога… Финляндийыште тунеммем годым мыят «порырак» улам ыле: тушто вет илышыжат сайрак, ласкарак. Тыгак Сургутышто калык оксанрак, илыме йöн (условий) айватрак, садланак калыкшат порырак. Адакашым тораште илымеке калык иктышт-весыштлан полшаш тыршат. Тидын дене нимо удам Килеев нерген ынем каласе: Слава — молодец, Сургутышто ила гынат марий йылмыжым шуара да йылмынам IT-аланыште шÿкен шога.

  2. Чирмишхан

    Кугу Ерыкса ял — марла Кугу Йырсе.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s