Болтуш онлан чапкӱм шогалташ сöрат

Болтуш курык. М.Скобелевын фотожоКиров областьысе Малмыж олашке мийымеке, очыни, кажне марий еҥ Болтуш курыкышто лийде огеш чыте.

Йоҥгыдо кӱкшакаште айдеме вий-куат ешаралтмым шижеш. Тыгодым шинча ончылныжо 400 ий утла ожно тушто эртыше кучедалмашын сӱретшым ужаш тырша. Курык ӱмбалне шогымо годым Малмыж олан гӱжлышö уремлаже огыт кой да йӱкшат огеш шокто. Тып-тымыкыште лачак историйын ик йыжыҥже дене авалталтат.

Курык помышышто Болтуш он кия, а тудын капшым коремыште йоген лекше памашыште шӱалтеныт, маныт. Марий мер толкынын чолгаеҥже-влак тиде шнуй верыште икымше гана 2000 ий 10 августышто лийыныт. Тылеч вара Акпатырым шарныме лӱмеш пайрем кечын марий делегаций Болтуш курыкыш кажне ийын миен савырна.

Марий-влакак 2002 ийыште чапкӱм шогалтышаш верым корем гыч кӱзыктымö кӱ дене палемден коденыт. Ик жапыште Малмыж район администрацийын ончычсо вуйлатышыже чапкӱм шогалташ верымат ойыраш сöрен ыле. Жап эртен, власть вашталтын. Тидын дене пырля йодышат чыгынен шогалын.

Тений 8 августышто Акпатырым шарныме лӱмеш эртыше мероприятий годым верысе мер пашаеҥ Николай Зайцев РФ Кугыжаныш Думын депутатше, Мер Каҥашым вуйлатыше Лариса Яковлева дене чапкӱ нерген мутым луктын.

Туштак Лариса Николаевна Малмыж район администрацийым вуйлатыше Сергей Ежов дене мутланен. «Нимогай нелылыкат уке», — вашештен тудыжо. Кӱртньым шокшынек таптат, маныт. Вес ийын Болтуш онлан чапкӱ шогалтыме лиеш манын вучаш тӱҥалына.

Светлана Пехметова

Снимкыште: Болтуш курык. М.Скобелевын фотожо

Налмывер: «Марий Эл» газет

2 комментария

Filed under Видео

2 responses to “Болтуш онлан чапкӱм шогалташ сöрат

  1. Чолгаеҥ

    Мемнан тöрана-влак шуко мом сöрат да, йужгунамже сöрымыштым пеш кужеш вучаш логалеш.

  2. Hanhi

    А могайрак лиеш чапкÿжö? Тугай, могайым шогалтат пытартыш ийлаште Марий национальный конгрессын еҥже-влак?
    Але Курыкмарий районышто шогалтыме Акпарс памятник гай?
    Очыни, Маркелов тидым ыштен ок шукто. Лариса тидын нерген монда. А Васютинын тидым ышташ кумылжо уке да вашмутат ямде: «вес регионыш марий оксам колташ ок лий…»
    Единыйрос полша гын веле? Ала, ала. Вет марий едрос ден Вятке едрос уже ик гана 2009 ийыше Киров кундемысе библиотек-влаклан марий книга дене полшымо шотышто кутырен келшеныт ыле. Но Киров едрос-влак тачат 5-6 тÿжем оксамкычалыт, но муын огыт керт. Марий библиотекыш ик книгат каен огыл — едрос окса кÿшеш.
    Вот тыгай петрушко.
    А вет Лариса ден Ежов да моло-влак 2009 ий августышто Полтыш курыкыш миена ончалын огытыл — Кетекмучаште чаплын пайремленыт — жапышт лийын огыл. Тиде — факт.
    А вот Болтушыжымак пагалыман ыле депутат Госудмылан. Кузе да могай памятникым шогалтышашым кушеч пала. Очыни, адакат Мочаевшылан ÿшана. Тудыжат 2003 ий деч вара тушко миен шуын огыл. Мочаевым тушто ужалтын огыл ынде мыняр ий. Теният лийын огыл — тожо Акбатыревыште пайремлен.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s