Шӱвыр мастар Шернур районышто ила

shuvyrzoМарий йӱлам кызытсе саманыште арален кодаш пеш йöсö. Компьютер технологийын ий гыч ийыш вияҥмыжат калык инструментым шӱкен луктеш. Кызыт ялыштыжат, гармоньым кидыш налын, шагал кö сылне семым шокталтен колта. А теве Шернур районысо Чашкаялыште илыше Григорий Андреевич Миронов гын шӱвырымат шокта, эсогыл шкеак ты сем инструментым ышта.

— Мыйын Миклай кочам шӱвырым пеш шоктен моштен. Тудо, шӱвыроҥым пуалын, калык семӱзгар дене семым йоҥгалтарен, а мыйын чонем вургыжын. Тыге изиэм годымак чот шӱмаҥынам, тунемашат кумыл эре лийын. Туныкташ йодаш тунам ала-молан тоштын омыл. Кочамын шӱвыржö таче мартеат «илыше», тудым мый аралем. Шӱвыр деке усталык корно ийготым погымекем гына угыч конден. Калык деч Советскийыште илыше шӱвырзö Александр Чемеков нерген пален нальым. Тушко каяш кумылем лекте. Жапым шуйкалыде, мастар деке миенат тольым. Александр Николаевичлан тоштемше, ачалаш кӱлшö кочамын шӱвыржымат намиенам, тудо мылам инструментем тöрлен пуыш. Шарнем, шӱвырем кидышке пуымек, уремыш лектын шокталташ йодо. Шкеже пöртыштö кодо,- воштылалын шарналта Григорий Андреевич.

shuvyrТылеч вара пöръеҥ шке шонымашыж деч ик татланат кораҥын огыл: паша деч вара толын, эре шоктен, семым лукташ тыршен, тунемын, кидшым лывыртен, шӱлышыжымат пеҥгыдемден. Тыге икмыняр жап гыч шкежат мастарыш савырнен. Ондак шокташ, а вара ачалашат, ышташат тунемын.

Григорий Андреевич шӱвырым шокташ поселкысо школлашке, районысо пайремлашкат коштын, шке жапыштыже республикысе выставкыштат шке матарлыкшым ончыктен. Марий калыкын поянлыкшым аралыше пöръеҥ тӱмырымат шкак ыштен, пералтен, гармоньымат шупшылын. Сердыж ял шотан илем администрацийын специалистше-влакат шӱвырзым пеш моктат, мастар, шöртньö кидан улмыжым палемдат. Чынжымак, шӱвырзö-влак республикыштына пеш шагалын кодыныт. Тек Григорий Андреевичын мастарлыкше кӱкшö акым муэш.

И.Черных

Снимкыште: шӱвыр мастар Г.Я.Миронов; тудын ыштыме шӱвыржö да семӱзгар ужаш-влак.
Авторын фотожо

Налмывер: Марий Эл

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s