Йошкар-Олаште марий кочкыш пайрем эртен

mari_kochkysh2Кодшо рушарнян «Онар» рестораныште марий кочкыш пайрем-конкурс эртыш

Районла да Йошкар-Ола гыч чылаже куд участник толын. Теве Параньга район гыч Е.Ямаев ден родо-тукымжо пайрем ӱстел йыр унам вашлийме койышым ончыктышт. Чесым авызлыме деч ончыч онаеҥ, сортам чӱктен, Юмым пелештен. Озавате марий кочкышын экологий могырым яндарлыкше нерген оҥайын каласкалыш. Марий ожно аракам пагарым эмлаш гына подылын улмаш. Тӱрлö когыльо, мелна, туара, пулашкамуно, поҥго, кайыквусо коклаште ойыртемалтшыже палыш ыле. Озавате манмыла, «кашта гычат, нöреп гычат, клат гычат» конденыт.

Тачана шешке Миколо пайрем чесым поген.Палыш гайракак кочкыш Курык марий районысо участник-влакын каравец маналтеш. Нунышт эше полан шӱрым, мöҥгысö сырам, кавун немырым конденыт. А теве пошкудышт, Килемар марий-влак, шерывöчыж, турнявöчыж гыч ыштыме кочкыш-йӱышышт дене ойыртемалтыч. Эсогыл сыра печкем сакален толыныт.

mari_kochkysh1Медведево вел марий А.Ласточкинымат мокталтыде огеш лий. Тудо мелна когыльыжымат, шӱльö мелнажымат, олма  пуражымат, кинде пуражымат шкеак ямдылен. Звенигово велым озавате Миколо пайрем лӱмеш Тачана шешкыжын ыштыме йöрваржым аклаш ӱжö. Тыште тӱрлö чес коклаште полан когыльо да полан кышал ойыртемалтыч. Гармонь сем почеш уна муро дене пурышо родо-влакым кинде-шинчал дене вашлийыч. Нуным Качыри уныкашт  кӱсле дене шоктен вашлие.

Марий чесым кочмо-йӱмö культура нерген эн оҥайын Йошкар-Ола гыч И.Степанова каласкалыш. Тудо Кугече пайрем да шыже пагытыште ямдылалтше сий дене толын. Марий калык ожно аракам чаткан йӱын моштен. Оза тичмаш чаркам темен гын, уна «огым-огым» манын шӱкалын. Тыгай сӱретымак тыштат ужаш лие.

А теве Кугече когыльым «тӱрлымаш» гоч ӱдыръеҥын койышыжым пален кертыныт: йытыран тӱрлен гын, чатка оръеҥ лиеш. Когыльым кочмо годым ондак нержым тодылын налыныт, вара когыльышко изи совла дене пелтыме ӱйым пыштеныт да кочкыныт. Тыгак тиде ӱстелыште «шем» шинчалым ыштыме радамым умылтарен ончыктеныт.

Авызлыме деч ончыч онаен Юмым пелешта.Кажне кундемыште, кажне пайремлан могай гына чесым огыт ямдыле: мелнажымак мыняр тӱрлын кӱэшташ лиеш. Теве Йошкар-Олаштына, моло калык кочкышым тӱҥлан налын, ятыр кафем почыныт. Шке жапыштыже икмыняр предприниматель кафем ыштыме нерген мутым луктын ыле. Но иктыжат шонымашым мучашке шуктен огыл.

mari_kochkyshА ынде теве тиде шонымашым весе-влак илышыш пурташ тӱҥалыт. Мероприятий «Матур» усталык инициатива рӱдер ден «Онар» ресторанын проектышт почеш эртен. Тышке Москва гыч эксперт-влакымат ӱжыныт. Тыгак Марий Элын Тӱвыра, печать да калык-влакын пашашт шотышто министерствыже ден «Саскавий» марий ӱдырамаш ушем конкурсыш участник-влакым чумыраш полшеныт.

Темлыме рецепт-влак гыч эн сайжым да келшышыжым «Онар» рестораныште ямдылаш тӱҥалыт. А «Матур» рӱдер турист-влакым лачак марий национальный кухня гоч утларак савыраш тыршаш лийын.

Марий-влак, ала нуным ончылтена ыле? Содыки шкенан кочкыш кухня марий-влакын кидыште лиеш гын, утларак ончалтеш.

Светлана Пехметова

Налмывер: «Марий Эл» жаплышташ

Фотосӱретлаште: авызлыме деч ончыч онаеҥ Юмым пелешта; Тачана шешке Миколо пайрем чесым поген; пайрем ӱстел ямде.

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s